რა ჩვენება მისცა თავდაცვის მინისტრმა კარტორგრაფების საქმეზე პროკურატურას?

პოლიტიკა - 15:43, 16 Dec, 2020

833

ე.წ. კარტოგრაფების საქმე და უზუსტობები ირაკლი ღარიბაშვილის ჩვენებაში.
საქმეზე დაკავებული ივერი მელაშვილის და ნატალია ილიჩოვას ადვოკატებმა საქმეში არსებული უზუსტიბები პირდაპირ ეთერშივე აღმოაჩინეს.
რადგან უფლებადამცველებს საქმის მასალები რამდენიმე წუთის წინ გადაეცათ ადვოკატები არ აკონკრეტებენ რა თქვა ღარიბაშვილმა დაკითხვისას:
"პირდაპირ იქმნება შთაბეჭდილება, რომ ბატონი ღარიბაშვილი არ იცნობს კონკრეტულ სისხლის სამართლის საქმეს, არათუ არ იცნობს, იმ ვითარებასაც არ იცნობს, რა ვითარებაც იყო ამ რუკებთან დაკავშირებით. როდესაც ის ამბობს, რომ მისმა თანამშრომლებმა, თედო გორგოძემ და ხორბალაძემ არ იცოდნენ მსგავსი რუკების არსებობის შესახებ 2017 წელს თედო გორგოძეს და ხორბალაძეს ნაშრომი აქვთ გამოქვეყნებული - "ჯავახიანი" სადაც ის რუკებია დასკანერებული და გამოყენებული, რომლებსაც თითქოს არ იცნობდნენ", - ამბობს ადვოკატი, გიორგი მახარობლიშვილი.

ნატალია ილიჩოვას ადვოკატი, ნესტან ლონდარიძე აღნიშნავს, რომ სატელევიზო გამოსვლებში ბევრი ურთიერთგამომრიცახვი ვერსია ჟღერდებოდა:

"კიდევ ვიმეორებ, ეს არ არის სრული ამოწურვა ამ საქმეზე მოწმეების გამოკითხვის, მათ შორის ძალიან საინტერესოა ივანიშვილის ჩვენება ამ საქმეში, ვინაიდან სწორედ მისი სახელი იყო დასახელებული სატელევიზო გამოსვლების დროს, დასახელდა როგორც ერთ-ერთი ინიციატორი გარკვეული რუკების მოძიების და ჩართულობით", - თქვა ნესტან ლონდარიძემ.

წინასასამართლო სხდომამდე 28 იანვრამდე, ერთ თვეზე ცოტა მეტი რჩება, ჯერ უცნობია გამოიკითხებიან თუ არა პრეზიდენტი და ბიძინა ივანიშვილი.