ეს ცინიზმი, სიცრუე, გადაგდება და კანონის უზენაესობის აბუჩად აგდება ყველა ეტაპზე, არის ივანიშვილის რეჟიმის სამარკო ნიშანი

ეს ცინიზმი, სიცრუე, გადაგდება და კანონის უზენაესობის აბუჩად აგდება ყველა ეტაპზე, არის ივანიშვილის რეჟიმის სამარკო ნიშანი - ბოკერია

პოლიტიკა - 17:07, 15 Dec, 2020

1075

ევროპული საქართველოს ერთ-ერთი ლიდერი, გიგა ბოკერია, თბილისში, აფრიკის დასახლებაში, თბილისის მერიის მიერ უკანონო ნაგებობების დემონტაჟს ეხმაურება.

ბოკერიას თქმით, ის რაც დღეს ხდებოდა აფრიკის დასახლებაში, არის ივანიშვილის რეჟიმის სამარცხვინო პოლიტიკის გაგრძელება, როდესაც არ არსებობს კანონის უზენაესობა.

ბოკერიამ აღნიშნა, რომ წინასაარჩევნოდ ხელისუფლების მხრიდან მოხდა დაპირებები, რომ ამ ადამიანებს დაუკანონდებოდათ აღნიშნული მიწები და ახლა ხდება ამ ადამიანების ბედით მანიპულირება.

„ის რასაც ეხლა დღეს ვხედავთ აქ, არის შედეგი და გაგრძელება ივანიშვილის რეჟიმის სამარცხვინო პოლიტიკის, როცა არ არსებობს კანონის უზენაესობა, დაპირებები როცა კეთდება, რომ თქვენია ეს მიწა, ეს ნიშნავს გადაგდებას და თან წახალისებას ადამიანების, რომ ასე მოიქცნენ, როცა ამდენი წელი აშენებდენ ეს ადამიანები ამას და უბრალოდ სხვადასხვა ამოცანებისათვის აქამდე კიარ გაარკვიეს ვითარება, არამედ დღევანდელ ძალადობამდე მიიყვანეს და კერძო საკუთრების მაგივრად მთავრობას აქვს ხელში ამხელა ქონება და მანიპულირებს შემდეგ ადამიანების ბედით და ვიმეორებ, ჩვენ ყველამ კარგად ვიცით და გვაქვს მტკიცებულებები, რომ ამ ხალხს პირდაპირ დაპირდნენ და კონტრაქტი დაუგდეს, რომ მათი მიწა იყო, რათა მხარდაჭერა მოეპოვებინათ.

ეს ყველაფერი, ეს ცინიზმი, სიცრუე, გადაგდება და კანონის უზენაესობის აბუჩად აგდება ყველა ეტაპზე, არის ივანიშვილის რეჟიმის სამარკო ნიშანი. - განაცხადა ბოკერიამ