"ბოდიში... ახლა ყველანი კანონს უნდა დავემორჩილოთ" - სუბარის პასუხი ღია ცის ქვეშ დარჩენილებს

პოლიტიკა - 16:24, 15 Dec, 2020

1127

სამგორის მაჟორიტარი დეპუტატი "ქართული ოცნებიდან" სოზარ სუბარი აფრიკის დასახლებაში საცხოვრებელი სახლების დემონტაჟის გამო გამართულ აქციას ეხმაურება და აცხადებს, რომ ის არაფერს დაჰპირებია მოსახლეობას ისეთს, რაც კანონის ფარგლებში არ ჯდებოდა. მისი ის ბოდიშს უხდის მოსახლეობას და აღნიშნავს, რომ ვერ დაეხმარება ადგილობრივებს, რომლებმაც სახლები 2-3- თვის წინ ააშენეს და სხვა საცხოვრებელიც გააჩნიათ.

"მართლა ვერ დავპირდებოდი ვერავის ვერაფერს, რაც კანონის ფარგლებში არ ჯდება. არის არაერთი დასახლება, სადაც ადამიანებს აშენებული აქვთ წლების წინ სახლები, სადაც ცხოვრობენ, ბავშვებს ზრდიან, ვპირდებოდით, რომ მაქსიმალურად დავეხმარებოდით. აქაც იყვნენ ადამიანები, რომლებიც მეუბნებოდნენ, რომ მაქვს 1 400 კვ.მ. შემოღობილი და ა.შ. ასეთ ადამიანს, ბოდიში, ყველას ვეუბნებოდი, რომ თბილისში ამის დაკანონებაში მოგეხმარებით. მინიმუმ საცხოვრებელი რომ გქონდეთ, ამაში დაგეხმარებით, სადაც კანონი მოგვცემს საშუალებას. ადამიანები, რომელთაც ბოლო 2-3 თვის წინ ააშენეს და აქვთ სხვა საცხოვრებელიც... ასეთ შემთხვევაში კანონს ყველა უნდა დავემორჩილოთ", - აცხადებს სუბარი.

შეგახსენებთ, რომ დღეს აფრიკის დასახლებაში თბილისის მერიამ მძმე ტექნიკა გაუშვა, რათა დაუკანონებელი საცხოვრებელი სახლები დაენგრია. მანამდე კი, წინასაარჩევნოდ სოზარ სუბარი ადგილობრივებს ამ შენობების დაკანონებას დაჰპირდა.