"არასწორია, როცა შეცდომას აბრალებ პროგრამისტს თუ "აიტიშნიკს"... ბუნებრივია, ჩნდება ეჭვები ან კომპეტენციის პრობლემაა, ან კიდევ მანიპულაციის"

"არასწორია, როცა შეცდომას აბრალებ პროგრამისტს თუ "აიტიშნიკს"... ბუნებრივია, ჩნდება ეჭვები ან კომპეტენციის პრობლემაა, ან კიდევ მანიპულაციის" - კობახიძე ISFED-ზე

პოლიტიკა - 16:31, 15 Dec, 2020

846

ქართული ოცნების ერთ-ერთი ლიდერი, მმართვალი პარტიის სპიკერი ირაკლი კობახიძე აცხადებს, რომ სამართლიანი არჩევნების ხელმძღვანელი თანამშრომელს "აბრალებს" შეცდომას.

კობახიძე ამ კომენტარით, ელენე ნიჟარაძის განცხადებას გამოეხმაურა, რომ ხმების პარალელური დათვლის ფორმულაში შეცდომა ორგანიზაციის მიერ დროებით დაქირავებულმა თანამშრომელმა დაუშვა.

"როდესაც პასუხისმგებელი ხარ, იქ როცა აბრალებ პროგრამისტს თუ "აიტიშნიკს" ამ შეცდომის დაშვებას, ეს არასწორია. თუ ხარ ორგანიზაციის ხელმძღვანელი, შენი ვალია ელემენტარული არითმეტიკული გადაანგარიშებით გადაამოწმო რამდენად იყო იქ შეცდომა გაპარული. ამას როცა არ აკეთებ, იქ, ბუნებრივია, ჩნდება ეჭვები ორი სხვადასხვა მიმართულებით ან კომპეტენციის პრობლემაა, ან კიდევ მანიპულაციის",- განაცხადა ირაკლი კობახიძემ.

შეგახსენებთ, ISFED-ში ამბობენ, რომ ხმების პარალელური დათვლის პირველადი შიდა აუდიტის შედეგებმა საარჩევნო სუბიექტების მიერ მიღებული ხმების გამოსათვლელ ფორმულაში ხარვეზი გამოავლინა. მათი თქმით, აუდიტმა PVT-ს მეთოდოლოგიის სიზუსტე და დამკვირვებლების მიერ მოწოდებული ინფორმაციის სანდოობა დაადასტურა.

ცნობილია ისიც, რომ "ქართული ოცნების" წევრები ISFED-ს შეხვდნენ და ორგანიზაციის მიერ ჩატარებული პარალელური ხმის დათვლის შედეგები განიხილეს. ივანიშვილის გუნდმა ორგანიზაციას მეთოდოლოგიის შესახებ მონაცემების წარმოდგენა მოსთხოვა.