ბათუმში მთავრობის სახლთან აქციაზე ვითარება დაიძაბა - დაპირისპირება პოლიციასა და აქტივისტებს შორის რამდენიმე პირის დაკავებით დასრულდა.

დაპირისპირება კი მას შემდეგ დაიწყო, რაც აქციის მონაწილეებმა აჭარის მთავრობის თავმჯდომარესთან, თორნიკე რიჟვაძესთან შეხვედრა მოითხოვეს.

აჭარის პოლიციის დეპარტამენტის უფროსი, კოტე ანანიაშვილი აცხადებს, რომ პოლიციას გარკვეული პირები ხელს უშლიდნენ მოვალების შესრულებაში.

მისი თქმით, ამ წუთებში მიდის დაზუსტება თუ რამდენი ადამიანია დაკავებული.

"პოლიციას გარკვეული პირები ხელს უშლიდნენ მოვალების შესრულებაში, გარკვეული პირების რაოდენობა პოლიციას ხელს უშლიდა დაკავებული პირების გადაყვანას, პოლიციის მხრიდან არანაირ გადაცდომას ადგილი არ ჰქონია, მშვიდობიან პროცესს არავინ არ უშლით მათ", — ამბობს ანანიაშვილი.

ცნობისთვის,ბათუმში მთავრობის სახლთან აქციიის მონაწილეები თორნიკე რიჟვაძესთან შეხვედრას ითხოვენ. აქცია უკვე რამდენიმე კვირაა რაც გრძელდება.