სამართლიანი არჩევნების დირექტორი, ელენე ნიჟარაძე აცხადებს, რომ გამორიცხავს მის სატელეფონო ზარებს უსმენდნენ.

ნიჟარაძე აცხადებს, რომ "ძალიან აინტერესებს", საიდან ჰქონდათ ქართული ოცნების წევრებს ორგანიზაციის შიდა ინფორმაცია.

"რომ გავიგო, რომ ჩემს სატელეფონო ზარებს უსმენენ, ნამდვილად არ გამიკვირდება, იმიტომ, რომ სამწუხაროდ, ჩვენს ქვეყანაში ეს თითქმის სტანდარტად იქცა.

ძალიან სამარცხვინოა, რომ მმართველი პარტია სამართლიანი არჩევნების მონიტორინგის შედეგებს იყენებს და პრაქტიკულად, ცდილობს, მეორე მხარე შეცდომაში შეიყვანოს, ისევე, როგორც შეცდომაში შეიყვანოს ძალიან მაღალი რანგის ელჩები". - ამბობს ISFED-ის ხელმძღვანელი .

მისი თქმით, ორგანიზაციის მიერ პარალელური დათვლის შედეგების შეცვლა 31 ოქტომბრის არჩევნებთან დაკავშირებულ პრობლემებს დღის წესრიგიდან არ ხსნის.

"არ მოხსნილა კითხვის ნიშნები არც მმართველი პარტიის მიმართ, არც საარჩევნო ადმინისტრაციის მიმართ.".- განაცხადა ნიჟარაძემ.

ცნობისთვის, 12 დეკემბერს, ტვ პირველის ეთერში ISFED-ის თავმჯდომარემ, ელენე ნიჟარაძემ არ გამორიცხა, რომ შესაძლოა ქართულმა ოცნებამ ორგანიზაციის შეცდომის შესახებ ინფორმაცია ფარული მიყურადებით მიიღო. მისივე თქმით, მმართველი გუნდი PVT-ის შედეგებით მანიპულირებს, ვინაიდან 2020 წლის 31 ოქტომბრის საპარლამენტო არჩევნების პრობლემა ე.წ კარუსელები და დისბალანსია, რომელიც უბნების 8%-ში გამოვლინდა.