71 მილიონით შემცირებული თბილისის ბიუჯეტი და 6 მილიონნით გაზრდილი ხელფასები - 2021 წელს მოქალაქეების საჭიროებები ისევ ვერ დაკმაყოფილდება

პოლიტიკა - 14:11, 12 Dec, 2020

1121

2021 წლის თბილისის ბიუჯეტი 71 ილიონი ლარით შემცირდა, თუმცა თანამშრომლებისთვის განკუთვნილი ხელფასების ფონდ 6 მილიონი ლარი დაემატა.

ენმ-ს წევრის ლევან ხაბეიშვილის განცხადებით, ათივე გამგეობაში შრომის ანაზღაურების მუხლი იზრდება, ქვეყანაში შექმნილი ეკონომიკური კრიზისი კი სახელმწიფო მოხელეებს ვერ შეეხება. სამაგიეროდ, კრიზისს კარგად შეიგრძნობს ყველა მოქალაქე, რადგან მათთვის გამოყოფილი თანხებს 71 მილიონი აკლდება:

"სახეზე გვაქვს საბიუჯეტო კრიზისი სადაც 71 მილიონი ლარით მცირდება 2021 წლის ბიუჯეტი. მიუხედავად ამ შემცირებისა, დედაქალაქის მერი უარს არ ამბობს შრომის ანაზღაურების მუხლი გაზარდოს ექვსი მილიონი ლარით. თუმცა, ეს პრობლემები არ შეეხება დედაქალაქის მერიის არც ერთ საქალაქო სამსახურს, არც ერთ გამგეობას და მეტიც - თუ ბიუჯეტში კარგად ჩავიხედავთ, ვნახავთ, რომ ათივე გამგეობაში იზრდება შრომის ანაზღაურების მუხლი", - განაცხადა ხაბეიშვილმა.

შეგახსენებთ, რომ 9 დეკემბერს თბილისის მერმა კახი კალაძემ 2021 წლის ბიუჯეტზე ისაუბრა და თქვა, რომ თბილისის მერიის ბიუჯეტი მილიარდ ას მილიონზე მეტი იქნება, ჯანდაცვის პროგრამების დასაფინანსებლად კი 350 მილიონ ლარზე მეტი გამოიყოფა.