ეს არის ფარული მიყურადებისა და დახურულ მონაცემთა ბაზაში შეღწევის ღია მაგალითი

ეს არის ფარული მიყურადებისა და დახურულ მონაცემთა ბაზაში შეღწევის ღია მაგალითი - დეკანოიძე ISFED-ზე

პოლიტიკა - 09:57, 12 Dec, 2020

1617

ხატია დეკანოიძე სოციალურ ქსელში ISFED-ის პარალელურ დათვლებსა და კობახიძე-მდინარაძის განცხადებებს ეხმაურება და წერს, რომ ეს არის ფარული მიყურადებისა და დახურულ მონაცემთა ბაზაში შეღწევის ღია მაგალითი და ამ ამბავზე ნორმალურ ქვეყანაში გამოძიება დაიწყებოდა.

"1. როგორ გაიგეს კობახიძე/მდინარაძემ ISFED -ის ცდომილებაზე და ოპოზიციას შემოუცურეს როგორც გადათვლის მექანიზმი:

2. ეს არის ფარული მიყურადებისა და დახურულ მონაცემთა ბაზაში შეღწევის ღია მაგალითი;

3. ამ ამბავზე ნორმალურ ქვეყანაში დიდი ამბავი ატყდებოდა და გამოძიება დაიწყებოდა;

4. 8 პროცენტიანი დისბალანსი ოქმებში არ გამქრალა, რაც რამდენიმე პროცენტს ისედაც ცდება;

5. ISFED არ ითვლის ხმებს, ითვლის ოქმებს. ამავე დროს, გასაჩივრებული ოქმებიც არ დაუკმაყოფილეს.

ეს არის მთავარი და არა ქოცების და მათთან გათანაბრებული ადამიანების ჟრიამული" - წერს ხატია სოციალური ქსელის საკუთარ გვერდზე.

შეგახსენებთ, რომ კობახიძემ დაადასტურა ISFED-ის წარმმადგენლებთან შეხვედრის შესახებ ინფორმაცია და განმარტა, რომ მხოლოდ მეთოდოლოგიით დაინტერესების გამო გაიმართა აღნიშნული შეხვედრა, ხოლო მდინარაძემ უარყო გავრცელებული ინფორმაცია ISFED-ზე ზეწოლის შესახებ და ასევე გაიმეორა კობახიძის მიერ ნათქვამი, რომ შეხევდრა ორგანიზაციის წარმომადგენლებსა და ხელისუფლების წევრებს შორის მეთოდოლოგიით დაინტერესების მიზეზი მოხდა.

მანამდე კი გავრცელდა ინფორმაცია, რომლის მიხედვითაც ხელისუფლება ISFED-ზე ზეწოლას ახდენს, რათა შედეგები "ოცნების" სასარგებლოდ შეცვალოს.