ისნის საოლქო კომისიის წევრი აკაკი კობალაძე, რომელიც სასმართლომ 10 000 ლარიანი გირაოთი გაათავისუფლა, ამბობს, რომ

აკაკი კობალაძეს სამართლებრივი შეზღუდვებიდან გამომდინარე, დღეს არ აქვს შესაძლებლობა გარდაცვლილი მეგობრის, თედო გობეჯიშვილის ოჯახს მიუსამძიმროს.

"ჩვენ ჩვენი მძიმე ბრალდებიდან გამომდინარე, გზა მოგვიჭრეს, რომ მივიდეთ და თედოს მეუღლეს მივუსამძიმროთ, არ გვაქვს მათთან მიახლოების უფლება, ის არის დაზარალებული, ჩვენ ვართ ბრალდებულები ამ საქმეზე და ამისთვის ბოდიშს ვუხდი ოჯახს, რომ უბრალოდ შეუძლებელია ჩვენგან ამის გაკეთება, მაგრამ რაღაცას მოვახერხებთ ამასთან დაკავშირებით, აუცილებლად სიმართლე გაიმარჯვებს, ყველაფერი მართლაც ამ სტუდიიდან დაიწყო." –ამბობს კობალაძე გადაცემაში "დღის სტუმარი".

კობალაძე, რომელიც საქართველოს მე–10 მოწვევის ერთპარტიული პარლამენტის სხდომამდე, ერთი დღით ადრე გაათავისუფლეს, მიიჩნევს , რომ პარლამენტს ჭირდება არა მარტო იურიდიული და სამართლებრივი, არამედ პოლიტიკური ლეგიტიმაცია.

" როდესაც ქვეყანა ვერ იღებს ბიუჯეტს, პოლიტიკურ კრიზისად ირაცხება პარლამენტი უნდა დაიშალოს და ხელახალი არჩევნები შედგეს, ჩვენ კი ვიღებთ პარლამენტში მხოლოდ ერთ ფრაქციას, ერთ პოლიტიკურ კონიუნქტურას". – ამბობს აკაკი კობალაძე.

შეგახსენებთ, რომ გუშინ, 10 დეკემბერს, აკაკი ხუსკივაძე და აკაკი კობალაძე 10 000 ლარიანი გირაოს სანაცვლოს გაათავისუფლეს.

ოპოზიცია მიიჩნევს, რომ კობალაძე-ხუსკივაძის გათავისუფლება ბოიკოტის პირველი შედეგია.

ცნობისთვის, ისნის საოლქო კომისიის თავმჯდომარე, თედო გობეჯიშვილი საკუთარ სახლში გარდაცვლილი 7 ნოემბრის დილას ნახეს.