"ქართული ოცნების" აღმასრულებელი მდივანი , ირაკლი კობახიძე, საქართველოს ექსპრეზიდენტის, მიხეილ სააკაშვილის განცახდებას ეხმაურება და აცხადებს, რომ ამ პროცესის დასასრული "ევროპული საქართველოს" და "ენმ"-ს გაუქმება იქნება.

კობახიძე თვლის , რომ ეს იქნება ლოგიკური შედეგი დემოკრატიული განვითარების.

"სააკაშვილი ბუნებრივია, იქნება კამყოფილი გამომდინარე იქიდან, რომ მისი ერთადერთი ამოცანა არის დესტრუქცია. სააკაშვილი თავის გვარამიასთან და ბოკერიასთან ერთად ყველაფერს აკეთებდა, რომ აეყირავებინა მოლაპარაკებების მაგიდა. ის შეიძლება იყოს კმაყოფილი, მაგრამ ამ პროცესის დასასრული იქნება ისეთი, რომ არ დააკმაყოფილებს მიხეილ სააკაშვილს, მისი ორივე პარტია, მისი პირმშოა ორივე - „ნაცმოძრაობა“ და ევროპული საქართველო, ქართული პოლიტიკიდან და საპარლამენტო სივრციდან გაქრება და ეს იქნება ძალიან ლოგიკური და კანონზომიერი შედეგი დემოკრატიული განვითარების", - განაცხადა კობახიძემ.

მისივე თქმით, "ქართული ოპოზიციური სპექტრი უნდა გაიწმინდოს ანტიდემოკრატიული პოლიტიკური ძალებისგან - ბოკერიებისგან, სააკაშვილებისგან და უგულავებისგან."

ცნობისთვის, საქართველოს მესამე პრეზიდენტმა,, მიხეილ სააკაშვილმა განაცხადა, რომ დღეს რაც თბილისში მოხდა, დიდი გამარჯვებაა.მისივე შეფასებით, "ეს მართლაც სასწაულია, ერთობით ყველაფრის მიღწევა შეიძლება.