ფრაქცია "ქართულ ოცებას" მდინარაძე, ხოლო საპარლამენტო უმრავლესობას კობახიძე უხელმძღვანელებს - ერთპარტიული პარლამენტის პირველი სხდომა დასრულდა

პოლიტიკა - 14:51, 11 Dec, 2020

638

ერთპარტიული პარლამენტის პირველი სხდომის დასრულების შემდეგ "ოცნების" ერთ-ერთმა ლიდერმა მამუკა მდინარაძემ ჟურნალისტებთან კომენტარი გააკეთა.
მდინარაძემ ჩამოთვალა საპარლამენტო თანამდებობები, რომლებიც საპარლამენტო უმრავლესობის წევრებმა გაინაწილეს. მისი თქმით, შეიქმნა ფრაქცია "ქართული ოცნება", 90 კაცით დაკომპლექტებული, რომელსაც თავად უხელმძღვანელებს, ხოლო 90 კაციან საპარლამენტო უმრავლესობას ირაკლი კობახიძე უხელმძღვანელებს:
"რამდენიმე საკითხი იყო გადასაწყვეტი, მათ შორის ფორმალური თვალსაზრისითაც. სადამფუძნებლო დოკუმენტაციაზე მოვაწერეთ ხელი, ეს არის ფრაქციის შექმნა, შეიქმნა "ქართული ოცნების" ფრაქცია. თქვენ იცით, რომ ერთ სუბიექტს, ერთ პარტიას აქვს საშუალება, რომ შექმნას ერთი ფრაქცია, შესაბამისად, შეიქმნა 90 დეპუტატიანი ფრაქცია "ქართული ოცნება". გუშინ უკვე გახმოვანებული იყო ჩვენი გადაწყვეტილება, რომელსაც მე ვუხელმძღვანელებ, ასევე უმრავლესობის სადამფუძნებლო დოკუმენტაციაც შედგა და აქაც გადაწყვეტილება, თქვენვის ცნობილი იყო, რომ უმრავლესობის ლიდერის სტატუსი ექნება ირაკლი კობახიძეს, ასევე ჩვენ უნდა წარვადგინოთ სპიკერი და ვიცე-სპიკერები - აქაც გადაწყვეილების შესახებ იცით, ასევე ავირჩიეთ ჩემი მოადგილეები. რეგლამენტის თანახმად, ყოველ 15 დეპუტატზე უნდა იყოს ერთი მოადგილე, შესაბამისად, მინდა დაგისახელოთ ფრაქციის თავმჯდომარის მოადგილე იქნება გივი მიქანაძე, ასევე ნინო ლაცაბიძე, ბექა დავითულიანი, ირმა ზავრადაშვილი, რიმა ბერაძე და ირაკლი ჩიქოვანი იქნებიან ფრაქციის თავმჯდომარის მოადგილეები, ასევე გაწევრიანებაზე კონკრეტული დეპუტატების შესაბამის კომიტეტებში, იმიტომ, რომ კომიტეტებიდან ამ წევრთაგან უნდა დასახელდეს კომიტეტის თავმჯდომარე, რათა შემდეგ ის იქნას უკვე არჩეული შემდეგ ეტაპზე - აი, ეს ფორმალური და რეალური საკითხები გავიარეთ ამ შეხვედრის დროს" - განაცხადა ფრაქცია "ქართული ოცნების" თავმჯდომარემ მამუკა მდინარაძემ.
შეგახსენებთ, რომ დღეს ერთპარტიული პარლამენტის პირველი სხდომა გაიმართა, რომელსაც მხოლოდ "ქართული ოცნების" წევრები დაესწრნენ. ოპოზიცია კი ისევ ბოიკოტის რეჟიმში რჩება და მანდატებს აუქმებს.