გადაწყვეტილება მიღებულია - ვაშაძე და მის გუნდი მანდატებზუ უარს ამბობს და სიას ანულებს

პოლიტიკა - 16:29, 10 Dec, 2020

1257

"სტრატეგია აღმაშენებლის" პოლიტსაბჭოს სხდომა დასრულდა. გიორგი ვაშაძემ საგანგებო ბრიფინგზე ჟურნალისტებს ის გეგმები გააცნო, რომლის შესახებაც სხდომაზე მსჯელობდნენ.

ვაშაძის განცხადებით, ჰგადაწყვეტილება ერთსულოვანია და სტრატეგია აღმაშენებელი მანდატებზე უარს აცხადებს:
"სიტუაცია ძალიან მძიმეა და ის, რომ ხვალ ერთპარტიული პარლამნტი იქნება, ეს არის არა ვინმეს გამარჯვება, არამედ პირიქით - ვფიქრობ, რომ ეს არის უზარმაზარი პრობლემა და უზარმზარი მარცხი ქართული დემოკრატიის, რომელიც ქვეყანაში არის და ყველა ერთად უნდა დავფიქრდეთ, რომ ამ უმძიმესი პროცესიდან ვიხსნათ ქვეყანა და სახელმწიფო. ჩვენ, "სტრატეგია აღმაშენებლის" გუნდს, ისევე, როგორც აქამდე, ყოველთვის გვექნება ჩვენი დამოუკიდებელი პოზიციები სხვადასხვა საკითხებთან დაკავშირებით და კიდევ უფრო მნიშვნელოვნად მიმაჩნია მეტი და მეტი კონსოლიდაცია იმ ადამიანების, ვინც ფიქრობენ, რომ უნდა ჩაერთონ ქვეყნის აღმშენებლობაში. გადაწყვეტილება აბსოლუტურად ერთსულოვანია, ხვალ მივმართავთ ცესკო-ს, მანდატებზეც უარს ვიტყვით, სიასაც ჩავხსნითდა ერთსულოვანი არის ამ კუთხით მთლიანად ჩვენი პოლიტიკური გუნდის გადაწყვეტილება ყოველგვარი განსხვავებების გარეშე.
"სტრატეგია აღმაშენებელი" აუცილებლად მიიღებს მონაწილეობას მოლაპარაკებებში, მე იმედი მაქვს, რომ შემდგომი რაუნდი გაიმართება და იმედი მაქვს, რომ ყველა მხარე მძიმე ვითარებას კარგად გაიზარებს, იმიტომ, რომ უმძიმეს კრიზისშია ქვეყანა და ჩვენ ყველამ უნდა ვიფიქროთ სახელმწიფოებრივად და მივიღოთ ეს გადაწყვეტილება" - განაცხადა გიორგი ვაშაძემ.