ევროპული საქართველოს ერთ-ერთი ლიდერის, გიგა ბოკერია თქმით, კობახიძის განცხადება არის სურვილის მანიშნებელი, რომ არათუ კრიზისის განმუხტვა გინდა, არამედ ნერვებმა გიმტყუნა და უბრალოდ იმუქრები.

ბოკერიამ აღნიშნა, რომ გააგრძელდება მოლაპარაკებები, თუმცა იქამდე გაფორმდება გადაწყვეტილება, რომ ოპოზიცია არ აძლევას ლეგიტიმაციას პარლამენტს. როგორც ბოკერიამ განაცხადა, ამ პროცესის შემდეგ, ოპოზიცია მზად იქნება, რომ ჩიხიდან გამოსვლის გზები იპოვოს, თუმცა არ შეიცვლება მათი მთავარი და ფუნდამენტური მოთხოვნები.

„ამ ტიპის განაცხადი არის სურვილის მანიშნებელი, რომ მოლაპარაკება და რაიმე სახის გამოსვლა კი არ გინდა ჩიხიდან, ნერვებმა გიმტყუნა და უბრალოდ იმუქრები, ეს განაცხადა ეს ნამდვილად არის.

ჩვენ მზად ვიქნებით, რომ გავაგრძელოთ მოლაპარაკებები, ოღონდ ბუნებრივია, იქამდე რა გადაწყვეტილებაც ევროპულ საქართველოს გვაქვს მიღებული და სხვა ჩვენ პარტნიორებს იმის თაობაზე, რომ ლეგიტიმაციას არ ვაძლევთ ამ პარლამენტს, ეს გაფორმდება და ამის შემდეგ ჩიხიდან გამოსვლის გზების საპოვნელად ჩვენ ყოველთვის მზად ვართ, ოღონდ, ყველამ იცის ჩვენი ფუნდამენტური პოზიცია, რომ ახალი, ნორმალური არჩევნების და მისკენ სავალი გზის გარეშე, ვერ განიმუხტება ეს კრიზისი და ამ განმუხტვას, ახალ არჩევნებს, სჭირდება ბევრი რამ, საარჩევნო ადმინისტრცაიის ცვლილება, პოლიტპატიმრების განთავისუფლება და საარჩევნო სისტემის ცვლილება.“ - განაცხად ბოკერიამ.