"ოცნებასთან ოთხივე საკითხზე პრინციპში შეთანმხებულები ვართ, უნდა მოაწერო ხელი და შეხვიდე პარლამენტში"- ალეკო ელისაშვილი

პოლიტიკა - 14:14, 10 Dec, 2020

1562

პარტია "მოქალაქეების" ლიდერის, ალეკო ელისაშვილის კიდევ ერთი, დანარჩენი ოპოზიციისგან განსხვავებული განცხადება.
ელისაშვილი ირწმუნება, რომ მოლაპარაკებებზე ოპოზიციამ 4 საკითხი დასვა და პრინციპში ხელისუფლებასთან შეთანხმება ოთხივე საკითზე მოახერხა.
ელისაშვილი ევროპულ საქართველოს ისევ ადანაშაულებს და ამბობს, რომ უგულავა-ბოკერიას გუნდი შეთანხმებას ხელს არ აწერს, რადგან მოლაპარაკებების ჩაშლა უნდა.
"სრული პასუხისმგებლობით გეუბნებით, 99% მოთხოვნების, რაც საარჩევნო კომისასთან დაკავშირეით და რაც საარჩევნო წესებთან დაკავშირებით ჩვენ მივიტანეთ, 99%-ზე ქართულმა ოცნებამ თქვა, რომ ვეთანხმებით.

ბოლო შეხვედრაზე ქართული ოცნება მოვიდა, ამ პაკეტზე თქვა, რომ დასტურს გაძლევთ არჩევნებთან დაკავშირებით, ყველაზე და გვითხრა, რომ რიგგარეშეზეც თანახმა ვართო. ანუ 4 საკითხიდან გვითხრეს, რომ ოთხივეზე თანახმა ვართო. ოღონდ გადავთვალოთ ნებისმიერი ფორმით და დაგვიდასტურეთ, რომ 1% მაინც გაყალბდაო, როგორც გინდათ ისე დაგვიდასტურეთო, რასაც ენდობით ის მოგვიტანეთო. ამაზე მეტი რა უნდა თქვან, გულზე ხელი დაიდეთ...
ოთხივე საკითხზე პრინციპში შეთანმხებულები ვართ და რა ხდება ახლა, ბოკერიას, უგულავას ხალხი და კიდევ ვიღაც ვიღაცეები ამბობს, რომ ხელს არ მოვაწერთო, შეთანხმება ხომ არის, უნდა მოაწერო ხელი და შეხვიდე პარლამენტში, პირობების შესრულება რომ დაიწყება.
ახლა ხდება ყველაზე უცნარური ამბავი, რომელსაც ევროპული საქართველო ჰქვია, მაგრამ მავნებელი საქართველოა სინამდვილეში, ბნელი საქართველო არის, როგორც ოპოზიციის შიგნით, ასევე, მოლაპარაკებებზე ცდილობდა მოლაპარაკების ჩაშლას, თავიდან ბოლომდე, პირველი დღიდან, პირველი წინადადებიდან იძახდა არ მინდა, არ მინდა. ახლა არის ერთი სცენარი, წავედით, ამ ისტორიულ შეთანხმებას მივაღწიეთ, ჩვენი რასაც ვითხოვდით ის ყველაფერი დააკმაყოფილეს", - თქვა ალეკო ელისაშვილმა ფეისბუქ ლაივისას.