“კობახიძის განცხადება სიმპტომია - ხელისუფლება მძიმე მდგომარეობაშია“ - ბაჩუკი ქარდავას თქმით ბოიკოტის რეჟიმი ძალაში რჩება

პოლიტიკა - 20:38, 09 Dec, 2020

1291

ბოიკოტის რეჟიმი ძალაში რჩება, ოპოზიცია იგივე დღის წესრიგით აგრძელებს მუშაობას - ეს განცხადება ეროვნულ-დემოკრარტკიული პარტიის ლიდერმა და კოალიცია „გაერთიანებული ოპოზიცია - ძალა ერთობაშიას“ წევრმა ბაჩუკი ქარდავამ, „ლელოს“ ოფისში ოპოზიციური პარტიების შეხვედრის დასრულების შემდეგ გააკეთა.

ჟურნალისტების კითხვას, რომელიც პარტიებისთვის დაფინანსების შესაძლო შეწყვეტის თაობაზე კობახიძის მიერ გაკეთებულ განცხადებას ეხებოდა, ქარდავამ ხელისუფლებას საბჭოთა კავშირის ეპოქა შეახსენა და აღნიშნა, რომ ის და მისი თანამებრძოლები მაშინ იმპერიას ყოველგვარი რესურსის გარეშდე ებრძოდნენ და ქვეყანამ ამ ბრძოლაში დამოუკიდებლობა მოიპოვა.

"ბოიკოტის რეჟიმი ძალაში რჩება, იგივე დღის წესრიგით ვმუშაობთ. მინდა გითხრათ, რომ კობახიძის დღევანდელი განცხადება სიმპტომია - ხელისუფლება მძიმე მდგომარეობაშია. ასეთი მშვიდობიანი პოლიტიკური ბრძოლის წინ მან შექმნა არასერიოზული ფონი. რაც შეეხება ხელისუფლების მხრიდან დაფინანსების შეწყვეტას, საბჭოთა კავშირს ვებრძოდით ყველანაირი რესურსის გარეშე და ქვეყანამ დამოუკიდებლობა მოიპოვა"- აცხადებს ქარდავა.

შეგახსენებთ, რომ დღეს "ქართული ოცნების" აღმასრულებელმა მდივანმა ირაკლი კობახიძემ პარტიის ოფისში გამართულ ბრიფინგზე განაცხადა, რომ პარტიებს, რომლებიც პარლამენტში არ შევლენ, დაფინანსება შეუწყდებათ და ბოიკოტის რეჟიმში მყოფ დეპუტატებს მანდატები ჩამოერთმევათ.