"ზეგ დავრწმუნდებით ვინ გადადის "ოცნებაში", ვინ გადავა თვითგანადგურების რეჟიმზე და ვინ იქნება გახუნებული პუფი" -მელია

პოლიტიკა - 20:15, 09 Dec, 2020

1209

„ლელოს" ოფისში ოპოზიციის შეხვედრა დასრულდა - გაერთიანებული ოპოზიციის ლიდერმა, ენმ-ს პოლიტიკური საბჭოს ხელმძღვანალმა ნიკა მელიამ შეხვედრის დასრულების შემდეგ განაცხადა, რომ 11 დეკემბერს, პარლამენტის შეკრების დღეს გავიგებთ, "ვინ რჩება და ვინ გადადის ოცნებაში“. მისი თქმით, ვინც პარლამენტში შევა, ის არ იქნება ოპოზიციონერი მეტიც, ის „ოცნების“ სრულფასოვან წევრადაც ვერ ივარგებს.

მისივე თქმით, არ აქვს სურვილი რომელიმე კოლეგამ ეს გადაწყვეტილება მიიღოს:

"ზეგ ყველანი დავრწმუნდებით ვინ რჩება ოპოზიცაში და ვინ გადადის ქართულ ოცნებაში . ის არ იქნება ოპოზიციონერი, მეტიც, ის ქართული ოცნების სრულფასოვან წევრადაც არ ივარგებს და როგორც უკვე ვთქვი, იქნება უბრალოდ გახუნებული პუფი. თვითგანადგურების რეჟიმზე იმედია არ გადაიყვანენ საკუთარ თავს. არანაირი არგუმენტი არ მიიღება იმის გასამართლებლად რომ პარლამენტში ვინმე შევიდეს",- ამბობს ნიკა მელია.

ცნობისთვის, ხვალ ოპოზიციასა და ხელისუფლებას შორის, აშშ-ს ელჩის რეზიდენციაში მოლაპარაკების მორიგი- მეხუთე რაუნდია ჩანიშნული.

მე-10 მოწვევის პარლამენტის პირველი სხდომა ზეგ, 11 დეკემბერს შედგება.