თელავში მიმდინარე აქცია არ სრულდება -მათ აქტივისტები თბილისიდან შეუერთდნენ და თეატრის წინ მეორე კარავი გაშალეს.

მათი თქმით, ისინი ღამის გათენებას ქუჩაში აპირებენ და კომენდანტის საათის დადგომის შემდეგაც არ დაიშლებიან და პროტესტს გააგრძელებენ, ვიდრე ვადამდელი საპარლამენტო არჩევნები არ დაინიშნება და მოთხოვნები არ დაკმაყოფილდება.

გაერთიანებული ოპოზიციის მხარდამჭერები მოქალაქეებს გვერდით დგომისკენ მოუწოდებენ.

ცნობისთვის, მეხუთე დღეა თელავის თეატრის წინ, დედაქალაქიდან ჩასულ ორ სამოქალაქო აქტივისტს კარავი აქვთ გაშლილი. გუშინ კი მათ "ნაციონალური მოძრაობის" ერთ-ერთი ლიდერი გიორგი ბოტკოველიც შეუერთდა.