ამ წუთებში ოპოზიციის კონსულტაციები მიმდინარეობს - ეს არის ბოლო შეხვედრა. ხვალ ფასილიტატორი ელჩების მონაწილეობით დიალოგის მე-5 რაუნდი შედგება.

"ერთიანი ნაციონალური მოძრაობის" ერთ-ერთი ლიდერი , ხატია დეკანოიძე მომხრეა, რომ ოპოზიციისა და მმართველი გუნდის პოზიციები მოლაპარაკებების პროცესთან დაკავშირებით გასაჯაროვდეს.

"მომხრე ვარ იმისი, რომ საერთოდ ყველანაირი პოზიციები, რომელიც ოპოზიციას ჰქონდა, მათ შორის მოლაპარაკებებზე და ასევე "ქართულ ოცნებას", გასაჯაროვდეს რაც შეიძლება მალე. ჩვენ ახლა შევიკრიბებით სხვა ოპოზიციურ პარტიებთან ერთად და რეალურად ვიმსჯელებთ ზუსტად ამ საკითხზე, საკითხი, რომელიც არის ძალიან მნიშვნელოვანი, რომ მოლაპარაკებების მიმდინარეობის დროს "ქართული ოცნება" კვლავ შანტაჟის ენით საუბრობს. საარჩევნო სისტემის ნამცეცები ჩვენთვის არ არის მნიშვნელოვანი. ჩვენთვის მნიშვნელოვანია შეწყდეს პოლიტიკური რეპრესიები და ახალი რიგგარეშე არჩევნები დაინიშნოს, ან მივიდეთ, რაღაც გზა ვიპოვოთ რიგგარეშე არჩევნების დასანიშნად," - აცხადებს ხატია დეკანოიძე.