ივანიშვილს ნერვებმა უმტყუნა და სწორედ იმის შედეგია ის განცხადებები, რაც კობახიძემ გააჟღერა

ივანიშვილს ნერვებმა უმტყუნა და სწორედ იმის შედეგია ის განცხადებები, რაც კობახიძემ გააჟღერა - ბოკერია ენმ-ს მიმართ მუქარაზე

პოლიტიკა - 17:20, 09 Dec, 2020

947

"ევროპული საქართველოს" ერთ-ერთი ლიდერის, გიგა ბოკერიას შეფასებით, ივანიშვილს ნერვებმა უმტყუნა და სწორედ იმის შედეგია ის განცხადებები, რაც კობახიძემ გააჟღერა. რაც შეეხება "ნაციონალური მოძრაობისთვის" საარჩევნო რეგისტრაციის შესაძლო გაუქმებას, ბოკერიას თქმით, ეს არის "პუტინის რუსეთის მოდელი" და ივანისვილის მიერ ყველაზე მძიმედ დაშვებული შეცდომა:

"ერთი შეფასება, რომელიც პირველი მომდის თავში არის ის, რომ მორიგ ჯერზე პერსონალურად ივანიშვილს უმტყუნა ნერვებმა და ამის შედეგია ეს გულწრფელი განცხადებები, რაც მოვისმინეთ კობახიძისგან. ეს ჩვენ კი ისედაც ვიცით, მაგრამ ასე ღიად მაინც ერიდებიან ხოლმე ივანიშვილის რეჟიმის სხვადასხვა წარმომადგენლები თქვან, რომ სურთ პოლიტიკური ავტორიტარული რეჟიმის დამყარება ბოლომდე და გაღმა გასვლა. რეჟიმი, სადაც მსხვილ ოპოზიციურ პარტიას, ამ შემთხვევაში იმ პოლიტიკურ პარტიას, რომელმაც ამ მანიპულირებული ციფრებიათაც კი 27% მიიღო, უუქმებენ რეგისტრაციას. ეს არის პუტინის რუსეთის მოდელი. სწორედ პუტინის რუსეთშია ეს მეთოდი. ამ მეთოდს პუტინის რუსეთმა მიმართა არაერთელ პოლიტიკური კონკურენციის პირდაპირ შესაზღუდად იმიტომ, რომ არ ეყო სხვა მეთოდები. ეს არის იმის შედეგი, რომ რეჟიმის შიგნით, ივანიშვილის გარემოცვაშიც კი გასაგები ხდება ის კრიზისი, რომელიც თვითონ შექმნა ივანშვილმა თავისი უპასუხისმგებლო, მავნებლური და უტიფარი ნაბიჯებით.

პოლიტიკური ბოიკოტის გაფორმება და პირველად საქართველოს ისტორიაში ერთპარტიული პარლამენტის შექმნა არის კიდევ ერთი გადამწყვეტი ფაქტორი, რომელიც ძალიან დიდ პრობლემებს შეუქმნით მათ მომავალში. ამის შედეგია ეს საუბარი. ბატონმა კობახიძემ მისთვის ჩვეული, უტიფარი ფორმით ცივი წყალი გადაასხა ყველა იმ გულწრეფლად თუ არაგულწრფელად შემცდარ კოლეგას ოპოზიციაში, რომელიც ჩვენი აზრით, ამ კონტექსტისთვის მეორეხარისხოვანი საკითხებით აპირებდა ამ ბოიკოტის ტორპედირებას. თქვა, რომ თქვენი შემოსვლა საერთოდ არ გვაინტერესებს, ისე მივიღებთ ყველაფერსო.

.მან დაარღვია შეთანხმებაც და გამოიტანა გარეთ მოლაპარაკებებიდან ის, რის გაკეთებასაც თვთონ აპირებს. ყველა დიდ ამბავთან ერთად, ყველაზე დიდი ოპიზიცური პარტიისთვის,“ნაციონალური მოძრაობისთვის“ მან დაამატა მუქარები, რომ რადგან რაც ჩვენ გვინდა, იმას არ აკეთებთ, ამ რეპრესიულ ნაბიჯებს გადავდგამთო. როგორც ჩანს, ერთ ნაწილში მაინც გონივრულობამ გამოანათა, რომ ვითარება, როცა განცხადებას დაწერდნენ ოპოზიციური პარტიის წარმომადგენლები პარლამენტიდან გასვლაზე და კობახიძე იმუქრებოდა, არ გაგიშვებთ პარლამენტიდანო, ახლა შემოატრიალა და გადაწყვიტა, რომ ვინც დაწერთ განცხადებას, იმათ შეგიწყვიტავთო და ამით უნდა დააწვინოს ოპონენტები. ცდება, როგორც ყოველთვის, როცა ივანიშვილს ნერვები უმტყნებს ხოლმე, ის ყველაზე მძიმე შეცდომებს უშვებს. ჩვენი ამოცანა არის ამ მტკიცე პოზიციით ჩამთავრება პროტესტის ამ ფაზის, ვგულისხმობ ამ არალეგიტიმური პარლამენტის სრულფასოვან ბოიკოტირებას, რაც მოხდება რამდემიმე დღეში და შემდეგ სამოქალაქო, მშვიდობიანი პროტესტის გაგრძელება სხვადასხვა მომენტში, სხვადასხვა ინტენსივობით და იმის მიღწევა, რასაც ჰქვია ხელისუფლების არჩევის უფლება ჩვენი მოქალაქეების მხრიდან", - განაცხადა ბოკერიამ.

შეგახსენებთ, რომ „ქართული ოცნების“ აღმასრულებელმა მდივანმა ირაკლი კობახიძემ პარტიის ოფისში გამართულ ბრიფინგზე განაცხადა, რომ ხელისუფლება დააინიცირებს კანონპროექტს, რომლის საფუძველზეც საარჩევნო რეგისტრაცია გაუუქმდება იმ პოლიტიკურ პარტიას, რომლის ლიდერიც კონსტიტუციურ საარჩევნო ცენზს არ აკმაყოფილებს, ამ შემთხვევაში კი საუბარია მიხეილ სააკაშვილზე და "ნაციონალურ მოძრაობაზე".