თუ საგამოძიებო კომისია დააფიქსირებს თუნდაც 1%-იან გადახრას, რიგგარეშე არჩევნებს გამოვაცხადებთ, მე კი პოლიტიკურ საქმიანობას ჩამოვშორდები

თუ საგამოძიებო კომისია დააფიქსირებს თუნდაც 1%-იან გადახრას, რიგგარეშე არჩევნებს გამოვაცხადებთ, მე კი პოლიტიკურ საქმიანობას ჩამოვშორდები - კობახიძე

პოლიტიკა - 15:18, 09 Dec, 2020

727

„ქართული ოცნების“ ოფისში გამართულ ბრიფინგზე პარტიის აღასრულებელმა მდივანმა ირაკლი კობახიძემ რიგგარეშე არჩევნების ჩატარების ერთადერთ ალტერნატივის შესახებ ისაუბრა და განაცხადა, რომ იმ შემთხვევაში, თუ საგამოძიებო კომისია 1%-იან გადახრას დააფიქსირებს "ქართული ოცნების" სასარგებლოდ, ხელახალი არჩევნები დაინიშნება. მისივე თქმით, თუ ასეთი პრეცედენტი დაფიქსირდება, ის საერთოდ ჩამოშორდება პოლიტიკას:

„პირველი შეკრებისთანავე საპარლამენტო უმრავლესობა დააინიცირებს 2020 წლის საპარლამენტო არჩევნების შემსწავლელი დროებითი საგამოძიებო კომისიის შექმნას. კომისიის მუშაობაში ჩასართავად მოვიწვევთ ყველა დაინტერესებულ სუბიექტს, მათ შორის დამოუკიდებელ ექსპერტებს, არასამთავრობო ორგანიზაციებს და საერთაშორისო პარტნიორებს. ბუნებრივია, საპარლამენტო პარტიები თავისთავად იქნებიან ჩართული ამ კომისიის მუშაობაში. კომისია უზრუნველყოფს არჩევნების სრულფასოვან შეფასებას სხვადასხვა ინსტრუმენტის, მათ შორის უბნების მასშტაბური გადათვლის გამოყენებით. თუ დაფიქსირდება თუნდაც 1%-იანი გადახრა „ქართული ოცნების“ სასარგებლოდ, „ქართული ოცნება“ რიგგარეშე არჩევნებს გამოაცხადებს. გარდა ამისა, როგორც „ქართული ოცნების“ საარჩევნო შტაბის ხელმძღვანელი, სრული პასუხისმგებლობით ვაცხადებ, რომ ასეთ შემთხვევაში დავტოვებ ყველა პოლიტიკურ თანამდებობას და სრულად ჩამოვშორდები პოლიტიკურ საქმიანობას“, - განაცხადა კობახიძემ.