პარლამენტის თავმჯდომარის, არჩილ თალაკვაძის განცხადებით, არსებობს რეალური ალბათობა იმისა, რომ პარტიებმა შეძლონ შეთანხმება საარჩევნო რეფორმასთან დაკავშირებით.

თალაკვაძის თქმით, ამ საკითხზე მხარეების პოზიციები იმდენადაა დაახლოებული, რომ შესაძლებელია ეს გახდეს შეთანხმების მთავარი საკითხი.

"დღეს ჩვენ გვქონდა კიდევ ერთი მნიშვნელოვანი შეხვედრა, რომელმაც უფრო დაგვაახლოვა შეთანხმებასთან და არის რეალური ალბათობა რომ პოლიტიკურმა პარტიებმა შევძლოთ შეთანხმება ყველაზე მთავარ და მნიშვნელოვან საკითხზე, რომელიც გამოიწვევს პოლიტიკურ სტაბილურობას და გრძელვადიანი თანამშრომლობის საშუალებას მოგვცემს. ეს არის საარჩევნო რეფორმის გაგრძელება. ჩვენ პრაქტიკულად ამ საკითხზე პოზიციები იმდენად გვაქვს დაახლოებული, რომ შესაძლებელია სრულიად, რომ ეს გახდეს შეთანხმების მთავარი საკითხი", - თქვა არჩილ თალაკვაძემ.