მედიის მთავარი ინტერესია გაარკვიოს, ვინ შევა მეათე მოწვევის პარლამენტის პირველი სხდომაზე, რომელსაც ამომრჩევლის დიდმა ნაწილმა არალეგიტიმური უკვე უწოდა.

კულუარული ინფორმაციით, ოპოზიციაში არიან პოლიტიკოსები, რომლებიც პარლამენტში შესვლა-არშესვლაზე მსჯელობენ. ოპოზიციის ნაწილი მათ "გაყიდულებად მოიხსენიებს", თუმცა ამ ეტაპზე გვარების დასახელებისგან თავს იკავებს.

რიგი პოლიტიკოსების მხრიდან ივანიშვილთან კულუარული მოლაპარაკებების შესახებ "ნიუპოსტს" ინფორმაცია რამდენიმე დღეა აქვს, თუმცა დღეს გარკვეული კონტურები გამოიკვეთა.

კერძოდ, არსებული ინფორმაციით, საუბარია "სტრატეგია აღმაშენებლის" ლიდერ, გიორგი ვაშაძეზე, "მოქალაქეების" ლიდერ ალეკო ელისაშვილზე, "გირჩის" რამდენიმე ლიდერზე, ზურაბ ჯაფარიძის გამოკლებით.

"გამარჯვებული საქართველოს" ლიდერი ირაკლი ოქრუაშვილი, პარლამენტში შემსვლელ 5-6 "ოპოზიციონერს კეთილების დისერტაციას" ჰპირდება:

"კარგად მოემზადეთ, მომდევნო კვირიდან მძიმე სამუშაო გვექნება, პარლამენტში შემსვლელი 5-6 "ოპოზიციონერის" კეთილების დისერტაციაზე. თურმე ციხეში იმისთვის ვიჯექით, რომ ესენი ბიძინას კალთაში თბილად ჩამჯდარიყვნენ..." - წერს ოქრუაშვილი.