ევროკავშირის წევრი ქვეყნების საგარეო საქმეთა მინისტრებმა საქართველოში არსებულ ვითარებაზზე ისაუბრეს. ევროკომისარმა საგარეო საკითხებში ჯოზეფ ბორელმა შეხვედრის შემდეგ იმედი გამოთქვა, რომ "ქართული ოცნების" შეთავაზება გაუხსნის კარს კომპრომისს და საშუალებას მისცემს პარლამენტს, გააგრძელოს სასამართლო და საარჩევნო რეფორმა.

"ჩვენ ასევე განვიხილეთ საქართველოში არსებული ვითარება. დროა ქართულმა პოლიტიკურმა ძალებმა გამოიჩინონ ლიდერობა და უზრუნველყონ პარლამენტში თავიანთი წარმომადგენლობა. ვიმედოვნებთ, რომ ქართული ოცნების შეთავაზება გაუხსნის კარს კომპრომისს და საშუალებას მისცემს პარლამენტს, გააგრძელოს სასამართლო და საარჩევნო რეფორმა და მოაგვაროს სოციალური და ეკონომიკური გამოწვევები", - განაცხადა ბორელმა.

ცნობისთვის, ოპოზიცია აცხადებს,რომ არჩევნები გაყალბებულია და პარლამენტს ბოიკოტს უცხადებს.