მსახიობ კახი კავსაძის ჯანმრთელობის მდგომარეობა გაუმჯობესდა. კახი კავსაძის ძმის, იმერი კავსაძის თქმით, მსახიობის კლინიკიდან გამოწერა ჯერ არ იგეგმება, თუმცა მისი მდგომარეობა უკეთესია.

„გაუმჯობესება არის. უკეთესი მდგომარეობაა. პირადად მე მასთან კომუნიკაცია არ მაქვს, რადგან ის რეანიმაციაშია და მე იზოლაციაში ვარ,მაგრამ კომუნიკაცია გვაქვს ლევან რატიანთან. გამოწერა ჯერ არ იგეგმება, არც არის საჭირო ასეთი სიჩქარე, მთავარია უკეთესი მდგომარეობაა, დადებითია ყველაფერი და სჯობს ნელ-ნელა, აუჩქარებლად მივიდეს საქმე გამარჯვებამდე“, - განაცხადა იმერი კავსაძემ "ინტერპრესნიუსს".

შეგახსენებთ, რომ მსახიობი კახი კავსაძე თბილისის სახელმწიფო სამედიცინო უნივერსიტეტის პირველ საუნივერსიტეტო კლინიკაში 28 ნოემბერს გადაიყვანეს. მას კორონავირუსი დაუდასტურდა.

ფოტო ეკუთვნის "TV პირველს".