პარტია სამართლიანობისთვის ლიდერი, ეკა ბესელია აცხადებს, რომ ეს არის ნერვები ომი და ოპოზიციის მხრიდან ნებისმიერი კომპრომისი მიუღებელი იქნება, რადგან მათ არ აქვთ უკან დახევის უფლება.

"ძალიან მნიშვნელოვანი პოლიტიკური პროცესია. ვინც არის ამ პროცესის მონაწილე, ყველას უნდა ესმოდეს, რომ რამე ტიპის მორალური კომპრომისი ოპოზიციის მხრიდან, იმ ადამიანების მხრიდან, ვისაც პარლამენტში შესვლის თაობაზე გადაწყვეტილება აქვს მიღებული, მიუღებელია. უკან დახევის უფლება უბრალოდ არ აქვს. ამის გაცნობიერება მნიშვნელოვანია. ეს ნერვების ომია, ეს იოლი არ არის. გამომიცდია, როცა 2008 წელს მანდატზე უარი ვთქვი. ვიცი, რომ ეს რთულია, მაგრამ როცა გადაწყვეტილებას იღებ, საჯარო ინტერესი პირად ინტერესზე მაღლა უნდა იდგეს. მე არ მინდა, რომ რომელიმე მათგანში ეს სისუსტე დავინახო". -განაცხადა ეკა ბესელიამ.

ბესელიამ ასევე აღნიშნა, რომ "ხელისუფლება აუცილებლად დახევს უკან, როგორც კი ვერ დაინახავს იმ სუსტ ადგილებს, რომლებსაც ახლა ეძებს ოპოზიციაში".

შეგახენებთ, რომ ოპოზიცია 31 ოქტომბრის არჩევნების შედეგებს გაყალბებულად მიიჩნევს და პარლამენტში შესვლაზე უარს ამბობს. მათი მოთხოვნები უცვლელია:

• რიგგარეშე არჩევნების ჩატარება
• ცესკოს თავმჯდომარის, თამარ ჟვანია გადაყენება
• პოლიტპატიმრების გათავისუფლება

აქვე გეტყვით, რომ ოპოზიციას და ხელისუფლებას შორის აშშ-ის ელჩის რეზიდენციაში მოლაპარაკებების 2 რაუნდი უკვე შედგა, თუმცა უშედეგოდ. როდის გაიმართება მესამე რაუნდი, უცნობია. როგორც ოპოზიცია ამბობს, ეს ქართული ოცნების შემდგომ ნაბიჯებზე იქნება დამოკიდებული.