გირჩის ლიდერი ,ვახო მეგრელიშვილი, ზურა ჯაფარიძის შეთავაზებას პასუხობს და ამბობს, რომ ჯაფარიძის "ულტიმატუმები" ძალიან უცნაურად გამოიყურება.

"მგონი ჯობია კომუნიკაციის ფორმებს გადახედოს", - პასუხობს მეგრელიშვილი ჯაფარიძეს.

"ჩვენ ახლა უნდა დავადგინოთ, რას ნიშნავს გაყრა .ჩვენ, უბრალოდ, ამის შესახებ არ ვიცით პროცედურულად, სამართლებრივად, ჩენი ეთიკიდან გამომდინარე, როგორ ხდება ეს პროცედურა. როგორც კი გავარკვევთ, როგორ შეიძლება გირჩში გაყრა, ეგრევე მოგახსენებთ",- პასუხობს მეგრელიშვილი.

ხოლო,გირჩის კიდევ ერთი ლიდერი იაგო ხვიჩია, რომელთანაც ჯაფარიძემ პარტიული თანამშრომლობა ასევე დაასრულა, შეთავაზებას, დიდი ალბათობით, საჯაროდ არ უპასუხებს. რამდენიმე დღის წინ ხვიჩიამ დაწერა, რომ შიდაპარტიული კონფლიქტისა და გაუგებრობის ამოწურვამდე მედიასთან კომუნიკაციას წყვეტდა.

შეგახენებთ, რომ „გირჩის” ლიდერმა ზურა ჯაფარიძემ დღეს დილით გირჩის მხარდამჭერთა მსხვილ ფეისბუქჯგუფში პოსტი გამოაქვეყნა და აწ უკვე ყოფილ თანაგუნდელებს შესთავაზა, დაეთმოთ მისთვის პარტიის სახელი და ვებგვერდი და დანარჩენი ყველაფერი მათ დარჩენოდათ.

ჯაფარიძემ თქვა, რომ შეთავაზება მეგრელიშვილს და ხვიჩიას პირადადაც გაუკეთა, თუმცა მათგან პასუხად აგრესიული მომართვები და მუქარა მიიღო.

"დღეს კიდევ ერთხელ, ამჯერად საჯაროდ, ვთავაზობ ამ ადამიანებს ცივილიზებულ გაყრას", - დაწერა ჯაფარიძემ.

აქვე გეტყვით, რომ ჯაფარიძემ დღევანდელ განცხადებაში მკაფიოდ თქვა, რომ თანაპარტიელებთან კონფლიქტი შერიგებით არ დასრულდება.