რუსმა ოკუპანტებმა საქართველოს მოქალაქეებზე "ნადირობა" დაიწყეს

პოლიტიკა - 16:25, 04 Dec, 2020

962

ანტისაოკუპაციო მოძრაობის "ძალა ერთობაშიას" დამფუძნებელი დავით ქაცარავას ინფორმაციით, ამ დრომდე საოკუპაციო რეჟიმი ე.წ. საზღვრის გადაკვეთისთვის საქართველოს მოქალაქეებს აჯარიმებდა, ახლა კი აპატიმრებს.

ქაცარავას ერთ-ერთ მაგალითად 20 ნოემბერს, საოკუპაციო რეჟიმის მიერ შიდა ქართლის სოფელ ზარდიაანთკარიის მცხოვრები 63 წლის მირიან თაზიაშვილის დაკავება მოჰყავს, რომელსაც ორთვიანი პატიმრობა უკვე მიუსაჯეს.

"საოკუპაციო რეჟიმმა გაიტაცა მირიან თაზიაშვილი, ზარდიაანთკარის მცხოვრები და როგორც შევიტყვეთ, მას უკვე ორთვიანი წინასწარი პატიმრობა შეეფარდა, ეს უკვე მეტყველებს იმაზე, რომ ჩვენი ხელისუფლება ოფიციალურად გადავიდა სტატისტის როლში, ის ვერაფერს ან არაფერს აკეთებს, რომ დაიხსნას ჩვენი მოქალაქე ტყვეობიდან და განსხვავებით, სხვა შემთხვევებისგან, როგორც წესი ჩვენ ვიცით, რომ ორ სამ დღეში თავისუფლდებიან ჩვენი მოქალაქეები, მირიან თაზიაშვილს უკვე შეეფარდა ორ თვიანი პატიმრობა, როგორ დასრულდება ეს ისტორია ჩვენ ნამდვილად აღარ ვიცით" , – თქვა ქაცარავამ.

ცნობისთვის, ამ დრომდე ცხინვალის საოკუპაციო რეჟიმის ტყვეობაში რჩებიან ზაზა გახელაძე და გენადი ბესტაევი, მათი ოჯახებიც თვლიან, რომ ხელისუფლებამ არასათანადოდ იმუშავა.