ფეხბურთელ გიორგი შაქარაშვილი და, ანა შაქარაშვილი მისი ძმის მკვლელობაში ბრალდებულთა ადვოკატებს, ვასილ მამულაშვილს, ბექა ნემსიწვერიძესა და გიორგი გელხაურს მიმართავს და სოციალურ ქსელში აქვეყნებს სტატუსს.
ანა შაქარშვილი ადვოკატებს ცირკის რიჟიკებს უწოდებს. მისი თქმით, არაფრით ჩამოუვარდებიან მკვლელებს ადვოკატები.
"ადვოკატები კი არა ცირკის რიჟიკები ხართ და არაფრით ჩამოუვარდებით მკვლელებს თქვენი დადგმული სპექტაკლებით. თქვენი შვილი რომ ეცემათ, მდინარეში გადაეგდოთ და ასე სასტიკად მოეკლათ, მაინტერესებს მაშინაც ასეთი ჰუმანურები თუ იქნებოდით საკუთარი შვილის მკვლელების მიმართ და ასე თავგამოდებით თუ დაიცავდით" - წერს ანა შაქარაშვილი.
შეგახსენებთ, რომ გიორგი შაქარაშვილის საქმეზე გუშინ ჩატარებული სასამართლო სხდომის შემდეგ დაკავებულების ადვოკატებმა განაცხადეს, რომ მოსამართლემ მიიღო გადაწყვეტილება, რომლის მიხედვითაც, პანდემიის პირობებში, როცა სხდომების უმრავლესობა დისტანციურ რეჟიმზე გადავიდა, შაქარაშვილის მკვლელობის საქმე კვირაში 2-ის ნაცვლად, 3-ჯერ განიხილება.
მასალის გამოყენების პირობები






