„ვალის ეკონომიკის პირობებში ჩვენ ქვეყანას მომავალი არ გააჩნია“ - ასე აფასებს პოლიტიკური მოძრაობა „ტრიბუნას“ ლიდერი, დავით ჭიჭინაძე „ოცნების“ ხელისუფლების მორიგ გადაწყვეტილებას, საგარეო ვალის კიდევ ხუთი მილიარდით გაზრდის შესახებ.

"საგარეო ვალის ზრდა, ზოგადად ძალიან მძიმე პროცესია ქვეყნისთვის, იმიტომ, რომ ამ ფულის ხარჯვა რენტაბელურად არ ხდება.

მიღებულ ფულზე დახარჯვის ტემპი ყოველთვის ჩამორჩება, სამაგიეროდ პროცენტი გვემატება. ამ ვალების ხარჯზე ხდება იმ მითიური ე.წ. ეკონომიკური ზრდის ჩვენებაც.

ანუ, როგორც ყოველთვის, ახლაც ციფრებში გვექნება ერთი მოცემულობა, რეალურ ცხოვრებაში კი, გაცილებით უარესი მდგომარეობა. რაც ჩვენი ქვეყნის განვითარების პერსპექტივას კიდევ უფრო ბუნდოვანს და წარუმატებელს ხდის.

მითუმეტეს, რომ ვალის ეკონომიკის პირობებში ჩვენ ქვეყანას მომავალი არ გააჩნია", - განაცხადა დავით ჭიჭინაძემ.