ჩემს მიმართ სამართლებრივ დევნასაც არ გამოვრიცხავ - ხატია დეკანოიძე პროკურატურის მიერ გასაჯაროებულო მტკიცებულებებზე

პოლიტიკა - 12:19, 04 Dec, 2020

1064

გენერალურმა პროკურატურამ ისნის N5 საოლქო-საარჩევნო კომისიის თავმჯდომარის, თეოდორე გობეჯიშვილის სიკვდილის ფაქტზე მკიცებულებების ნაწილი გაასაჯაროვა. უწყების მტკიცებით, გობეჯიშვილს აკაკი ხუსკივაძემ და აკაკი კობალაძემ ენმ-ს სახელით მას 50 ათასი დოლარი შესთავაზეს, მას კი სანაცვლოდ კომისია დემონსტრაციულად უნდა დაეტოვებინა.

ერთ-ერთ მიმოწერაში ნახსენებია ენმ-ს ერთ-ერთი ლიდერი ხატია ეკანოიძე, კონტექსტი კი ზუსტად ასე ჟღერს:

"რა ქენი თედო ასეთი, ცესკოს დასაჭერთა სია ვნახე და იქ წერიხარ, ხატიამ ჩაგვაწერინა".

ბავშვობის მეგობრების შეხუმრებულ მიმოწერაში, რომელსაც სიცილის "სმაილებიც" მოწმობს, საგამოძიებო უწყება, როგორც ჩანს, შეთქმულების თეორიას ხედავს.

ენმ-ს ერთ-ერთი ლიდერი ხატია დეკანოიძე ვარაუდობს, რომ ხელისუფლება ახალი რეპრესიებისთვის ემზადება. ის არ გამორიცხავს, რომ სამართლებრივი დევნა მისი მისამარითაც დაიწყოს:

"შეიძლება ემზადება იმისთვს, რომ ახალი რეპრესიების ტალღა დაიწყოს, მე არაფერს არ გამოვრიცხავ. სისულელეა, ეს არის ნაცვლიშვილის ჩვეულებრივი იდეოლოგიური პროპაგანდა მორიგი. საზიზღარი ბრალდებით დააკავეს, უახლოესი მეგობრის გარდაცვალება დააბრალეს ამ ორ ადამიანს, ახლა მოწებება უნდათ ამ პროპაგანდის და ამორალური ბრალდების ჩემთვის და ჩემი პარტიისთვის, ამიტომ მე არაფერს გამოვრიცხავ, ისეთ მიტაცებულ ქვეყანაში ვცხოვრობთ, რომ ჩემს მიმართ სამართლებრივ დევნასაც არ გამოვრიცხავ", - განაცხადა ენმ-ს ერთ-ერთმა ლიდერმა, ხატია დეკანოიძემ.