ევროპული საქართველოს წევრის, არმაზ ახვლედიანის თქმით, ის, რაც დღეს საქართველოში ხდება, ეს არის პოლიტიკური, სამართლებრივი და სამოქალაქო ტერორი.

ახვლედიანის თქმით, აჭარას წლიდან წლამდე რიჟვაძის მსგავს პოლიტიკურ არარაობებს ახვევენ თავს.

ახვლედიანმა აღნშნა, რომ არაკონსტიტუციური ტირანი ივანიშვილის მმართველობას ქართველი ხალხი და საქართველოს მოკავშირე თავისუფალი სამყარო მალე დაუსვამს საბოლოო წერტილს.

„როცა ხალხს უმთავრეს კონსტიტუციურ უფლებას ასე უტიფრად ართმევ, უგუნურობით და გაუმაძღრობით მას სრული უიმედობის, გაღატაკებისა და შიმშილისთვის იმეტებ, ბინძური პოლიტიკური გეგმის აღსასრულებლად ოპოზიციურ ლიდერებს, კრიტიკული მედიის წარმომადგენლებს, განსხვავებული აზრის მქონე მოქალაქეებს პოლიტპატიმრებად და მძევლებად აქცევ, ქვეყანას ნორმალური განვითარების ყოველგვარ შანსს უკლავ! როცა მიტაცებულ სახელმწიფოში ასეთ სამარცხვინო მმართველებს ამწესებ, შენ უზურპატორიც ხარ და სისხლის სამართლის დამნაშავეც!

რაც ახლა საქართველოში ხდება, ეს პოლიტიკური, სამართლებრივი და სამოქალაქო ტერორია!

როგორ არ უნდა გიყვარდეს სამშობლო, რომ ის ასეთ დღეში ჩააგდო! როგორ უნდა გეჯავრებოდეს ჩვენი აჭარა, რომ მას მმართველებად წლიდან წლამდე რიჟვაძის მსგავს პოლიტიკურ არარაობებს ახვევდე თავს!

ჩვენი სახელმწიფოებრიობის დამსამარებელი,

არაკონსტიტუციური ტირანი ივანიშვილის და მისი დანაშაულებრივი დაჯგუფების აღვირახსნილობას ქართველი ხალხი და საქართველოს მოკავშირე თავისუფალი სამყარო მალე დაუსვამს საბოლოო წერტილს!“ - აცხადებს ახვლედიანი.