ამირან გამყრელიძის განცხადებით, საქართველოში კორონავირუსის ასეთ გავრცელებას არ პროგნოზირებდა.

მთავარი ინფექციონისტი აღიარებს, რომ პროცენტული მაჩვენებელი რაც ქვეყანაში ინფიცირებას ასახავს, მაღალია.

"მიმდინარე პროცესებია, ხშირად მაკრიტიკებენ, გასაგებია, თქვენც შეგიძლიათ გამაკრიტიკოთ, რომ მზადება როგორი იყო და არაფერი გაკეთებულა - როგორ არ გაკეთებულა?! გადამზადებაც მიმდინაროებდა, შესყიდვებიც, გარკვეული გეგმებიც დასახული არის და გეგმაც იყო, მაგრამ პირდაპირ გეტყვით, ჩვენ რა თქმა უნდა არ ვპროგნოზირებდით, რომ გვენქებოდა დღეში 4 და 5 ათასამდე შემთხვევა, პირდაპირ გეტყვით ამას. რამ შეუწყო ხელი - იმან, რომ ზაფხულში ჩვენ დავიჯერეთ, და ქართველებს გვახასიათებს ეს, რომ ძალიან მაგრები ვართ და შევიქმენით ილუზია, რომ დავამარცხეთ კორონა. არ ვიცი, ახლა ჩემი გამოსვლები შეგიძლიათ ნახოთ, კორონავირუსი არსად არ წასულა, სულ ვამბობდი, რეკომენდაციები უნდა დავიცვათ, მაგრამ მოხდა ასე და ზაფხული ძალიან თავისუფლად წავიყვანეთ ჩვენ ყველამ - ბათუმი, ამას მოყვა ძალიან მაღალი მობილობა არჩევნებზე, კიდე უფრო დიდი მობილობა არჩევნების დღეს, ოქტომბრის ბოლოს მივდიოდით 1500-ით, ნოემბერში გაგვიორმაგდა, ეს იმ მობილობის შედეგია, რაც გვქონდა ოქტომბერ ნოემბერში" - განაცხადა ამირან გამყრელიძემ.