"გადააფასონ ჩვენი ტრაგედია, რომ სხვაც ასე არ გაამწარონ"- კორონავირუსის 19 წლის მსხვერპლის ოჯახი ჯანდაცვის სამინისტროს ტყუილში ამხელს

პოლიტიკა - 11:13, 02 Dec, 2020

1902

19 წლის თეკლა თორდიას გარდაცვალების საქმე - ჯანდაცვის მინისტრის მოადგილის სკანდალურ განცხადებას, რომ პაციენტმა სამედიცინო დაწესებულებას დაგვიანებით მიმართა, კორონავირუსით დაღუპული გოგონას ოჯახის წევრები პასუხობენ.

მათი თქმით, მძიმე მდგიომარეობაში მყოფი შვილის ჰოსპიტალში გადაყვანას 6 დღის განმავლობაში უშედეგოფდ ცდილობდნან.
რაც შეეხება სპეციალური კომისიის შექმნას, თორდიები ამბობენ, რომ ჯანდაცვის სამინისტროდან მათ არავინ დაკავშირებია.
მეტიც თეკლა თიორდიას ოჯახის წევრები, რომლებიც ასევე ინფიცირებულები არიან, ამ დრომდე არავის მოუკითხავს.
"ზარები ხო ფიქსირდება? 112-ში, ჯანდაცვაში... შეამოწმონ, თუ რამეში ეჭვი ეპარებათ და ჩვენ დანაშაულს ეძებენ გადაგვამოწმონ. არავინ არ დაინტერესებულა. პირველივე სიმპტომიდან საქმის კურსში იყვნან. მთელი ჩვენი სამეგობრო რეკავდა.
მინდა სიმართლე დადგინდეს, გადააფასონ, რომ სხვა ადამიანიც არ გაამწარონ"- აცხადებს გარდაცვლილის დედა.

კორონავირუსის დიაგნოზით გარდაცვლილი 19 წლის თეკლა თორდიას მამა, რატი თორდია ეჭვობს, რომ მისი შვილი უყურადღებობის მსხვერპლი გახდა.

მისი თქმით, გოგონა კლინიკაში იქამდე არ გადაიყვანეს, სანამ მისი მდგომარეობა უკიდურესად არ დამძიმდა.

თორდიების მონაყოლის თანახმად, კლინიკაში ადგილი ვერ მოიძებნა, მძიმე თანმხლები დაავადების მქონე პაციენტი კოვიდსასტუმროში მოათავსეს, სადაც ოჯახმა მისი "რემდესივირით" მკურნალობა ითხოვა, თუმცა საბოლოოდ საქმეში "დექსამეტაზონი" ჩართეს. მამა ხაზს უსვამს, რომ მის შვილს თანმხლები დაავადება -შაქარიანი დიაბეტი აღენიშნებოდა.