"დემოკრატიული მოძრაობა ერთიანი საქართველოს " ლიდერი ნინო ბურჯანაძე 8 თვის ნიკა გვარამიას საქმის განახლებას სასამართლოში პოლიტიკურ გადაწყვეტილებას ეხმაურება და აცხადებს, რომ პირადად ივანიშვილს უკავშირდება.

ბურჯანაძემ აღნიშნა, რომ ეს გადაწყვეტილება მოსალოდნელი იყო.

მან ასევე განმარტა, რომ წესით შეურაცხყოფილად უნდა გრძნობდნენ თავს ელჩებიც, რადგან 8 მარტის შეთანხმების ერთ ერთი ძირითადი პირობა პოლიტიკურად მოტივირებული საქმეების შეწყვეტა იყო.

მისი თქმით, ბიძინა ივანიშვილი დიქტატურისკენ მიდის და მისთვის სასიცოცხლო საფრთხეა "მთავარი არხი".

ბიძინა ივანიშვილმა დაინახა რომ ფულმა არ იმუშავა, ვერ მოახერხა ვერავის ყიდვა ჯერჯერობით და ახლა ჩართო სხვა მექანიზმი და ცდილობს ადამინებს უთხრას - დაგიჭერთ, ქონებას წაგართმევთ, ტელევიზიებს დავკეტავ და ა.ა.შ.

დიპლომატების ადგილზე სერიოზულად აღვშფოთდებოდი და შეურაცხყოფილად ვიგრძნობდი თავს იმიტომ რომ 8 მარტის შეთანხმება თავზე დაგვახიეს. ერთ ერთი მთავარი თემა იყო ის, რომ არვითარ შემთხვევაში რეპრესიები პოლიტიკური ნიშნით არ უნდა წარმართულიყო და როდესაც ნიკა გვარამიას წინააღდეგ აღძრავ საქმეს, გიგი უგულავას წინააღდეგ მერამდენედ... კიდევ ბევრი სხვა მოყვება და მეც მიმაყოლებს, უნდა მიხვდე რისკენ მიდის ეს ყველაფერი.

ეს ტელევიზია მისთვის არის სასიცოცხლო საფრთხე. მას ვერ წარმოედგინა როდესაც რუსთავი 2-ს ებრძოდა, რომ ეს ტელევიზია ასე მალე დადგებოდა ფეხზე. პრაქტიკულად საოცრება გააკეთა გვარამიამ და იმ გუნდმა, რომელიც ხართ ამ ტელევიზიაში და ამის წარმოდგენა ივანიშვილისთვის იყო წარმოუდგენელი" , -ამბობს ბურჯანაძე გადაცემა „დღის სტუმარში“.

შეგახსენებთ, რომ "მთავარი არხის" გენერალური დირექტორის პოლიტიკურად მოტივირებული საქმის განხილვას თბილისის საქალაქო სასამართლო 7 დეკემბრიდან განაახლებს