აჭარის მთავრობის სახლთან ადმინისტრაციული სამართალდარღვევის ფაქტზე დაკავებული ოთხი პირი ბათუმის საქალაქსასამართლომ ხელწერილის საფუძველზე გაათავისუფლა.

მოსამართლემ მტკიცებულებების წარსადგენად მხარეებს დრო მისცა.

ლაშა კომახიძე ირწმუნება, რომ აჭარის მთავრობასთან პერფოპრმანსის დროს უკანონოდ დააკავეს.

"ჩემი მიზანი იყო, ცაში ბუშტი გამეშვა, რაშიც პოლიციამ ხელი შემიშალა. ამ დროს სიტუაცია დაიძაბა და სამართალდამცავებმა ჩემი დაკავება გადაწყვიტეს. ბრალდების მხარეს, აბსურდული არგუმენტი ჰქონდა. სასამართლო გადაიდო მტკიცებულებების არ არსებობის გამო, ველოდებით ბრალდების მხარის მტკიცებულებებს", - აღნიშნა ლაშა კომახიძემ.

შეგახსნებთ, რომ დღეს აჭარის მთავრობის სახლთან სამართალდამცავებსა და ოპოზიციის წევრებს შორის ფიზიკური დაპირისპირება მოხდა.