"ქვეყნის საგარეო ფრონტი კარასინს მიჰყავს... რუსეთი იმედოვნებს, ერთპარტიული პარლამენტი ურთიერთობის ნორმალიზებას დაეხმარება"- ოპოზიცია

პოლიტიკა - 15:08, 28 Nov, 2020

874

"ერთიანი ნაციონალური მოძრაობის" ერთ-ერთი ლიდერი, ხატია დეკანოიძე ბაშიძე-კარასინის შეხვედრის შემდეგ რუსეთის საგარეო საქმეთა სამინისტროს მიერ გავრცელებულ ინფორმაციას ეხმაურება.

მისი თქმით, ქვეყნის საგარეო ფრონტი კარასინს მიჰყავს.

"ჩვენი ქვეყნის საგარეო ფრონტი კარასინს მიჰყავს, საშინაო პოღოსას და სერიოჟა ტბილისკის.. ამ რეალობაში ვცხოვრობთ და უნდა შევცვალოთ", - წერს ხატია დეკანოიძე.

ფაქტს ეხმაურება ერთიანი ნაციონალური მოძრაობის კიდევ ერთი ლიდერი, სალომე სამადაშვილიც:

წევრი, სალომე სამადაშვილი, გამოეხმაურა რუსეთის საგარეო საქმეთა სამინისტროს განცხადებას ზურაბ აბაშიძესა და გრიგორი კარასინს შორის შეხვედრის შესახებ, სადაც აღნიშნულია, რომ "დადასტურდა ორმხრივი განწყობა 2019 წელს მომხდარი ცნობილი ანტირუსული პროვოკაციის უარყოფითი შედეგების აღმოსაფხვრელად, რომელიც ქართველმა ნაციონალისტებმა მოაწყვეს."

"კარასინის განცხადებაში საყვედური იკითხება, 20 ივნისის ''ნაციონალისტების' არასათანადო დასჯის შესახებ. ასევე იკითხება ის, რომ რუსეთი ერთობ კმაყოფილია არჩევნების შედეგით, დავალებებს აძლევს ივანიშვილის ხელისუფლებას, როგორ დაიცვას რუსეთის ინტერესები. და რაც მთავარია, მაშინ, როდესაც ჩვენი დასავლელი მეგობრები ყველაფერს აკეთებენ, რომ არ მივიღოთ ერთპარტიული პარლამენტი, რუსეთი იმედს გამოთქვამს, რომ საქართველოს ახალი პარლამენტი, 'ნაციონალისტური' ძალებისგან დაცლილი, ხელს შეუწყობს რუსეთ-საქართველოს ურთიერთობების ნორმალიზაციას". - სალომე სამადაშვილი თავის Facebook გვერდზე წერს.