გასტრონომიის ასოციაციის ხელმძღვანელმა, ლევან ქოქიაშვილმა განაცხადა, რომ მთავრობასთან შეხვედრას აზრი არ აქვს. მისი თქმით, განიხილავენ საკითხებს, საუბრობენ, უსმენენ ყურადღებით შედეგად კი ერთი რამეც არ კეთდება.

"ყველა შეხვედრას, რაც იყო [მთავრობის ადმინისტრაციაში], თითქმის ვესწრებოდი. ბოლო ორ შეხვედრაზე არ ვყოფილვარ პრემიერთან, რადგან, ზოგადად, აზრი არ აქვს ამ შეხვედრებზე მისვლას, ელაპარაკებით, გისმენენ ყურადღებით, მაგრამ ერთი რამეც არ კეთდება. საბავშვო ბაღი ხომ არაა? მე პირადად ვფიქრობ, რომ აზრი არ აქვს, როგორც კი მივალთ, ერთ საათში გამოამზეურებენ ხუთ ფოტოს, რომ აი, კერძო სექტორს შევხვდითო", - განაცხადა ფორმულასთან.