"ქართული ოცნების"დისკრიმინაციული მიდგომა რელიგიური უმცირესობების მიმართ - ხელისუფლება შეზღუდვებს მხოლოდ მართლმადიდებლურ დღესასწაულზე ხსნის

პოლიტიკა - 10:36, 27 Nov, 2020

979

დაწესებული შეზღუდვები, რომელიც პანდემიასთან დაკავშირებით ხვალიდან ამოქმედდება, გამონაკლისის სახით 31 დეკემბერსა და 6 იანვარს მოიხსნება, რათა ახალ წელსა და მართლმადიდებლურ შობას შეხვდეს მოსახლეობა.
თუმცა, ხელისუფლებას ავიწყდება, რომ მართლმადიდებლების გარდა ქვეყანაში რელიგიური უმცირესობები არიან და მათი დღესასწაულები სხვადასხვა თარიღებს ემთხვევა.

ევანგელისტურ-ბაბტისტური ეკლესიის ეპისკოპოსის რუსუდან გოცირიძის თქმით, სახელმწიფო მხოლოდ ერთ კონკრეტულ ჯგუფზე გათვლილ მესიჯებს უშვებს და საზოგადოების ყველა წევრზე თანაბრად არ ფიქრობს:

"რელიგიურ დღესასწაულებს ნამდვილად არ აღნიშნავს კოვიდი და მისთვის არ არსებობს ისეთი დღეები სადაც ხალხს შეუძლია ერთად შეიკრიბონ და იქ არ გავრცელდება. სახელმწიფოს წარმომადგენელი თავს არ იწუხებს, რომ მის რიტორიკაში მაინც გამოჩნდეს, რომ ოდნავ მრავალფეროვნად ხედავს თავის მოქალაქეებს და მხოლოდ ერთ კონკრეტული ტიპის ჯგუფს არ ელაპარაკება. ან სახელწმიფოს არ ადარდებს მოქალაქეების ბედი, ან თანამშობს ძალიან ცუდ პოლიტიკურ თამაშს", - განაცხადა რუსუდან გოცირიძემ.