პარტია „მოქალაქეების“ ლიდერი , ალეკო ელისაშვილი "ოცნების“ ბრალდებას იმის შესახებ, რომ კორონავირუსის შემთხვევათა ზრდა ოპოზიციის აქციებმა გამოიწვია ეხმაურება და ამბობს, რომ ბარემ რომ აცივა ეგეც ოპოზიაც დააბრალოს.

მისივე თქმით, მსგავსი განცხადებები ტუტუცობა და უსინდისობაა.

"რომ აცივდა, ისიც ჩვენ დაგვაბრალონ ახლა. ოპოზიცია, რომ არ ყოფილიყო, სულ კარგი ამინდი იქნებოდა, სულ მზიანი. გახარიას ვინ დამართა კორონავირუსი ძალიან მაინტერესებს. ჩვენ დავსდევდით კანცელარიიდან სოლოლაკამდე, რომ შეგვეფრქვია კორონავირუსი, თუ მაშინ, რომ ავიარეთ ბიძინა ივანიშვილის სახლთან, მაშინ ავაფრქვიეთ ვირუსი და ბაცილა?" — განაცხადა მან „TV პირველის“ ეთერში.

ცნობისთვის, მმართველ გუნდის წევრებმა არაერთხელ, სხვადასხვა ტრიბუნიდან განაცხადეს, რომ კორონავირუსის შემთხვევების მატება ოპოზიციის აქციებმა გამოიწვია, რომელზეც რეკომენდაციებს არ იცავდნენ. პასუხად ოპოზიცია ქართულ ოცნებას წინასაარჩევნო ხალხმრავალ შეკრებებს ახსენებს