პარტია "მოქალაქეების" ლიდერი, ალეკო ელისაშვილი მთავრობის დაწესებულ ახალ შეზღუდვებს და საჯარო სექტორის დისტანციურ მუშაობაზე გადასვლას ეხმაურება. მისი თქმით, ახლა საერთოდ წამოწვებიან და ჩუსტების ამარა იტანტალებენ.

ელისაშვილის შეფასებით, უსინდისობასა და ბოროტებაა ეს ხალხის გაღატაკებას გამოიწვევს.

"ისე ხომ ააყვავეს ეს ქვეყანა და ისე, ხომ წელში იყვნენ გაწყვეტილები შრომით და წვალებით და ახლა საერთოდ წამოწვებიან და ჩუსტების ამარა იტანტალებენ. გაღატაკება და გასაცოდავება ბოლომდე. არ მინდა ძალიან შეთქმულების თეორიებში შევიდე, მაგრამ კიდევ უფრო იაფად უნდა ივანიშვილს ხალხის ყიდვა, როგორც ჩანს", — განაცხადა მან და დასძინა, რომ ვერ გამოაქვს სხვა დასკვნა, რას უნდა ემსახურებოდეს ეს შეზღუდვა.