ევროპული საქართველოს ერთ-ერთი ლიდერი, ელენე ხოშტარია ,ეხმაურება ე.წ კარტოგრაფების საქმეს და სოციალურ ქსელში პოსტს აქვეყნებს. მისი თქმით , საგარეო საქმეთა სამინისტრო არ პასუხობს ივერის და ნატალიას ადვოკატებს წერილზე, იმიტომ, რომ პასუხი ოცნებას არ აწყობს.

ხოშტარიამ აღნიშნა, რომ ხვალ, 27 ნოემბერს, საგარეო საქმეთა სამინისტროსთან ივერი მელაშვილისა და ნატალია ილიჩოვას მხარდასაჭერად აქცია გაიმართება.

"საგარეო საქმეთა სამინისტრო არ პასუხობს ივერის და ნატალიას ადვოკატებს წერილზე, იმიტომ, რომ პასუხი ოცნებას არ აწყობს. ყველა ჩართულია ამ ბინძურ ჯაჭვში. ხვალ, 27 ნოემბერს 17.00 საგარეოსთან იქნება აქცია და ვუერთდები. ვერ მოისვენებთ ამ უბედურების კეთებაში.", – წერს ევროპული საქართველოს ლიდერი ელენე ხოშტარია.