პოლიტოლოგი გია ხუხაშვილი ეხმაურება მთავრობის ადმინისტრაციის ხელმძღვანელის , ნათია მეზვრიშვილის, თანამდებობიდან გადადგომას და არ გამორიცხავს, რომ მეზვრიშვილს გადადგომა პრემიერ გიორგი გახარიას შესაძლო გადადგომის წინაპირობა იყოს.

ხუხაშვილის თქმით, ბიძინა ივანიშვილს არ მოსწონს პრემირმინისტრის ავტორიტეტი საზოგადოებაში და არ არის გამორიცხული მისი შეცვლაც მალე დადგეს დღის წესრიგში

"ვერსიები ბევრი შეიძლება იყოს. ერთ-ერთი ვერსიით ნათია მეზვრიშივილის გადადგომა შესაძლოა უკავშირდებოდეს გახარიას მომავალში, შესაძლო გასვლას მთავრობიდან.მე ამას არ ვამტკიცებ, მაგრამ გამომდინარე ბიძინა ივანიშვილის ხასიათიდან, რომელიც თავის ირგვლივ მხოლოდ მსახურებას ითხოვს, კი ბატონო გახარიაც ემსახურება, მაგრამ გახარიას აქვს გარკვული ავტორიტეტი საზოგადოებაში, რაც ბუნებრივია ბიძინა ივანივიშვილს მაინცდამიანც არ მოსწონს და ვერ გამოვრიცხავ რომ რაღაც ესეთის პრეისტორია იყოს", - ამბობს ხუხაშვილი "დღის სტუმარში".

ცნობისთვის, მთავრობის ადმინისტრაციის ხელმძღვანელმა თანამდებობიდან გადადგომის შესახებ განცხადება რამდენიმე საათის წინ, "ფეისბუქით" გაავრცელა.