მოლაპარაკებები უნდა იყოს ახალი არჩევნების ირგვლივ, თუ ეს არ მოხდება, მივიღებთ ერთპარტიულ, კომუნისტურ პარლამენტს, რომელიც ზუსტად შეეფერება იმ მეორე ტურებს, რომლებიც ქართულმა ოცნებამ ჩაატარა

მოლაპარაკებები უნდა იყოს ახალი არჩევნების ირგვლივ, თუ ეს არ მოხდება, მივიღებთ ერთპარტიულ, კომუნისტურ პარლამენტს, რომელიც ზუსტად შეეფერება იმ მეორე ტურებს, რომლებიც ქართულმა ოცნებამ ჩაატარა - კაპანაძე

პოლიტიკა - 14:44, 23 Nov, 2020

657

ევროპული საქართველოს ერთ-ერთი ლიდერი, სერგი კაპანაძე, ოპოზიციასა და ხელისუფლებას შორის მოლაპარაკებების მესამე რაუნდს ეხმაურება.

კაპანაძის თქმით, მოლაპარაკების მთავარი თემა უნდა იყოს ახალი არჩევნები და ხელისუფლების მხორდან კონკრეტული, რაციონალური წინადადება უნდა გაკეთდეს არჩევნების ირგვლივ.

კაპანაძემ აღნიშნა, რომ თუ ხელისუფლება ამას არ გააკეთებს, ის მიიღებს ერთპარტიულ, კომუნისტურ პარლამენტს.

„ჩვენ ველოდებით, რომ ჩვენი ამერიკელი და ევროკავშირელი პარტნიორების მონაწილეობით შედგება მოლაპარაკებების მესამე რაუნდი უახლოეს დღეებში. აქ ყველაზე ლოგიკური იქნებოდა, რომ ქართულ ოცნებას კონკრეტული, რაციონალური წინადადება გაეკეთებინა, რომელიც ამ პოლიტიკურ კრიზისს განმუხტავდა და თუ ასეთი წინადადება იქნებოდა გაკეთებული, ბუნებრივია, ჩვენ ამ ფორმატში მას განვიხილავთ.

თუმცა, ჩვენი მოთხოვნა და ის მთავარი მიზანი, რომელიც ჩვენ გვაქვს ყველასთვის ცნობილია, რომ უნდა იყოს ეს ყველაფერი ახალი არჩევნების ირგვლივ. თუ ეს არ მოხდება, ასეთ შემთვევაში ყველამ კარგად იცის რაც მოხდება, არაფერი სიურპრიზი არ იქნება არავისთვის, მივიღებთ ერთპარტიულ, კომუნისტურ პარლამენტს, რომელიც ზუსტად შეეფერება იმ მეორე ტურებს, რომლებიც ქართულმა ოცნებამ ჩაატარა და რომელში გამარჯვებაც შემდეგ სამარცხვინოდ იზეიმა.“ - განაცხადა კაპანაძემ.