სოფელ ზარდიაანთკარიდან, იკუპანტების მიერ, 20 ნოემბერს გატაცებული 63 წლის მირიან თაზიაშვილის მეუღლემ არ იცის რა ვიათარებაში მოხდა მამაკაცის აყვანა. როგორც “ნიუპოსტს” ცისანა თაზიაშვილმა უთხრა, ამ დრომდე, ცხინვალის დე-ფაქტო მილიციიდან არავინ დაკავშირებია. “ცხინვალიდან არავის დაურეკავს, მე ჩვენმა პოლიციამ მითხრა, შენი ქმარი წაიყვანესო, არ ვიცი რა მოხდა, როგორ აღმოჩნდა იქით. სოციალურად დაუცველები ვართ და ისიც კი არ ვიცი, ჯარიმას როგორ გადავიხდი. ვაშლის კრეფაზე დავდივარ და თავს მაგით ვირჩენთ. ჩემი ქმარი ზოგჯერ ტაქსაობდა და პურის ფულს ასე ვშოულობდით”,- აცხადებს ცისანა თაზიაშვილი.

ამავე სოფლიდან ოკუპანტებმა გასულ წელს გენადი ბესტაევიც გაიტაცეს, მამაკაცს 3 წლიანი პატიმრობა აქვს მისჯილი. ოჯახი ხელისუფლებას უყურადღებობაში ადანაშაულებს და დახმარებას ითხოვს.