საპრეზიდენტო არჩევნების ბიულეტენები სოფელ ავლევის N8 საარჩევნო უბანზე – ამის შესახებ ინფორმაციას droa.ge ავრცელებს.

როგორც ორგანიზაციის დამკვირვებელი ნათია ფარეხელაშვილი აცხადებს, საარჩევნო უბანზე, ყუთის გახსნის შემდეგ, საპრეზიდენტო არჩევნების 6 ბიულეტენი ამოიღეს. მათ ნაწილში გრიგოლ ვაშაძეა შემოხაზული, ნაწილში კი – სალომე ზურაბიშვილი.

ფარეხელაშვილი ამბობს, რომ ამ ფაქტმა საუბნო კომისიის წევრებიც დააბნია და ბიულეტენების გადაყრა გადაწყვიტეს, თუმცა, მან ურჩია, რომ ბიულეტენები ცალკე გადაედოთ და საოლქო საარჩევნო კომისიაში წაეღოთ.