კალაძემ ჩვენს დამოძღვრას თავი დაანებოს და ქალაქის პრობლემას მიხედოს,რაც რეალურად არის მისი ფუნქცია და ამისთვის აირჩია ხალხმა

კალაძემ ჩვენს დამოძღვრას თავი დაანებოს და ქალაქის პრობლემას მიხედოს,რაც რეალურად არის მისი ფუნქცია და ამისთვის აირჩია ხალხმა - ელისაშვილი

პოლიტიკა - 16:22, 21 Nov, 2020

809

თბილისის მერის კახი კალაძის განცხადებით, ხელახალი არჩევნების ჩატარების საფუძველი არ არსებობს. ის იმედოვნებს, რომ ოპოზიცია პარლამენტში შევა და უმაღლესი საკანონმდებლო ორგანოს მუშაობა ჩვეულ რეჟიმში გაგრძელდება.

ამის საპასუხოდ ალეკო ელისაშვილმა განაცხადა, რომ კალაძემ ოპოზიციის დამოძღვრას თავი უნდა დაანებოს და ქალაქის პრობლემას მიხედოს, რაც რეალურად არის მისი ფუნქცია და ამისთვის აირჩია ხალხმა. ელისაშვილის თქმით, ოპოზიცია პარლამენტში შესვლას არ აპირებს, "ოცნება" კი ისე განაგრძობს ცხოვრებას, თითქოს არაფერი მომხდარა:

"რაც შეეხება არჩევნებს, თუ დააკვირდებით, კალაძე ახსენებს, რომ ხელახალი არჩევნები არ იქნება, ხელახალ არჩევნებსა და რიგგარეშე არჩევნებს შორის არის სხვაობა. კი ბატონო, ნუ იქნება ხელახალი არჩევნები, მაგრამ იყოს რიგგარეშე არჩევნები, ეს ორი სხვადასხვა რამეა.

ამ მოცემულობით პარლამენტში შესვლას არ ვაპირებთ. კომპრომისი რა იქნება ჩვენი მხრიდან, დამოკიდებულია „ქართულ ოცნებაზე“. თუ ისევ არხეინად განაგრძეს ცხოვრება, ვითომ არაფერი მომხდარა, რა თქმა უნდა, ეს არავის კომპრომისისთვის არ განაწყობს. თუ დავინახავთ მათი მხრიდან ადეკვატურ ნაბიჯებს, მზად ვართ. იმიტომ ვმონაწილეობთ მოლაპარაკებებში, რომ მზად ვართ, სერიოზულად ვიმსჯელოთ თითოეულ საკითხზე“, - განაცხადა ელისაშვილმა.