გაძარცვული ბანკები, სავაჭრო ობიექტები, გახშირებული მკვლელობნები - "ხელისუფლება და კრიმინალური სამყარო ერთიან კლასტერად ჩამოყალიბდა"

პოლიტიკა - 15:36, 21 Nov, 2020

844

ქვეყანაში პოლიტიკურ, კოვიდ და ეკონომიკურ კრიზისთან ერთად კრიმინოგენული ვითარება ყოველდღიურად რთულდება.

სამწუხაროდ, გაძარცვული ბანკები, სავაჭრო ობიექტები, მკვლელობის გახშირებული შემთხვევები ყოველდღიური მოვლენა ხდება.

ოპოზიცია ძალოვანი უწყებების სრულ ჩამოშლაზე ამაზვილებს ყურადღებას:

"როდესაც სახელმწიფო კრიმინალს იყენებს არჩევნებისთვის, როდესაც კანონი დამნაშავეების წინააღმდეგ არ მოქმედებს და არ არსებობს პოლიტიკის გავლენისგან თავისუფალი საგამოძიებო უწყებები - ამ სიტუაციაში, ცხადია, კიდევ უფრო გამძაფრდება კრიმინალური ვითარება", - ამბობს "ნაციონალური მოძრაობის" წევრი, ხატია დეკანოიძე.

"ევროპული საქართველოს" ხელისუფლებას დანაშაულის წახალისებაში ადანაშაულებს:

"არ გამოვრიცხავ, რომ MBC-ზე თავდასხმის კონკრეტული შემთხვევაც განპირობებული იყოს წახალისების პოლიტიკით. ზოგადად, კრიმინოგენული ვითარება რომ უმძიმესია, ამას ყველა სტატისტიკა მოწმობს", - თქვა კაპანაძემ.

"ხელისუფლება და კრიმინალური სამყარო უკვე ერთიან კლასტერად ჩამოყალიბდა" - ამბობობენ "ლელოში".

შეგახსენებთ, რომ პოლიციამ ნომერ პირველ ტერორისტად დასახელებული 32 წლის ყოფილი სამხედროს, ბადრო ესებუას დაკავება ამ დრომდე ვერ მოახერხა.

ესებუა ერთი თვის წინ, ზუგდიდში "საქართველოს ბანკში" შეიჭრა, 43 ადამიანი მძევლად აიყვანა და 7 საათიანი უშედეგო მოლაპარაკებების შემდეგ, ნახევარი მილიონი დოლარით, რამდენიმე მძევალთან ერთად ბანკის შენობა დატოვა და მიიმალა.

რაც შეეხება MBC-ზე თავდასხმას, თბილისში, წერეთლის გამზირზე მიკროსაფინანსო ორგანიზაციაში ლევან ზურაბიშვილი გუშინ შეიჭრა.