ცენტრალურ საარჩევნო კომისიასთან „ლეიბორისტული პარტიის” წევრებმა აქცია-პერფორმანსი გამართეს. მათ რუსეთის ჰიმნი ჰქონდათ ჩართული და ცენტრალურ საარჩევნო კომისიასთან აღმართულ რკინის ჯებირზე საბჭოთა კავშირის ამსახველი პოსტერები გააკრეს.

"ლეიბორისტული პარტიის” წევრმა, მიხეილ ქუმსიშვილმა განაცხადებით, ბიძნა ივანიშვილის და მისი ხელისუფლების მიზანია, რომ საბჭოთა საქართველო აღადგინონ და პუტინს დაეხმარონ საბჭოთა იმპერიის აღდგენაში, რასაც ბუნებრივია, ქართველი ხალხი დაუპირისპირდება.

ქუმსიშვილის განმარტებით, დღევანდელი დღე ეძღვნება იმ ხელისუფლების გაშარჟებას, რომელიც ამ გზას ადგას.

,,დღეს არის მეორე ტური იმ სამარცხვინო ვითომ არჩევნების, რაც 31 ოქტომბერს ჩაატარა ბიძინა ივანიშვილმა და მისმა ხელისუფლებამ. მათი მიზანია, რომ საბჭოთა საქართველო აღადგინონ და პუტინს დაეხმარონ საბჭოთა იმპერიის აღდგენაში, რასაც ბუნებრივია, ქართველი ხალხი დაუპირისპირდება. დღეს გავაკარით საბჭოთა პლაკატები და ჩავრთეთ მუსიკა თუ როგორ ზეიმობდნენ ერთპარტიული ხელისუფლების არჩევას საბჭოთა საქართველოში, დღევანდელი დღე ეძღვნება იმ ხელისუფლების გაშარჟებას, რომელიც ამ გზას ადგას”, - განაცხადა მიხეილ ქუმსიშვილმა.