„ერთიანი ნაციონალური მოძრაობის“ ერთ-ერთი ლიდერის, ლევან ვარშალომიძის განცხადებით, სუსი აორგანიზებს კრიმინალურ ჯგუფებს , პროვოკაციებისა და დაპირისპირების მოსაწყობად. შესაბამისად, ოპოზიციურმა პარტიებმა მიიღეს გადაწყვეტილება, სრული იგნორი გაუკეთონ მეორე ტურს და დაგეგმილი აქციები საარჩევნო უბნებთან აღარ გაიმართება.

„როგორც ჩვენთვის ცნობილი გახდა სუსი აორგანიზებს კრიმინალურ ჯგუფებს , პროვოკაციებისა და დაპირისპირების მოსაწყობად.

ოპოზიციურმა ერთობამ მიიღო გადაწყვეტილება , ხვალ დაგეგმილ საპროტესტო აქციები ,საარჩევნო უბნებთან (სირცხვილის კორიდორი) აღარ გაიმართება .

ჩვენ კვლავ ვაგრძელებთ მშვიდობიან საპროტესტო აქციებს!

ძალადობა და პროვოკაციები კი მხოლოდ ბიძინა ივანიშვილისა და ქართული ოცნების ხელწერაა!

ჩვენთვის მნიშვნელოვანია თითოეული მოქალაქის უსაფრთხოება .

არჩევნები გაყალბებულია“,- აცახდებს ვარშალომიძე.

ცნობისთვის, არჩევნების მეორე ტურის სრულ იგნორირებაზე „ენმს“ და „ევროპული საქართველოს“ ლიდერებმა, ზაალ უდუმაშვილმა და გიგი უგულავამ გააკეთეს კომენტარი. მათი თქმით, მეორე ტური თავიდან ბოლომდე ფიქციაა, იმისთვის რომ 31-ში ჩადენილი გაყალბება ივანიშვილმა "გააპრავოს".

შეგახსენებთ, რომ ცესკოს გადაწყვეტილებით არჩევნები ხვალ, 21 ნოემბერს გაიმართება. მასში არცერთი ოპოზიციური პარტია მონაწილეობას არ იღებს.არჩევნები 17 ოლქში ჩატარდება.