დიდი ოდენობით სხვისი ქონების მოტყუებით დაუფლების ფაქტი - ბრალდებულებმა, სხვისი ქონების მართლსაწინააღმდეგო მისაკუთრების მიზნით, ყალბი მინდობილობის საფუძველზე, მიმდინარე წლის 12 ნოემბერს, დაირეგისტრირეს ქ. თბილისში, საბურთალოს რაიონში არსებული, უცხო ქვეყნის მოქალაქის სახელზე რიცხული 5 528 მ² მიწის ნაკვეთი, რომელიც 16 ნოემბერს გაასხვისეს 142 000 აშშ დოლარის საფასურად.

აღნიშნულ ფაქტზე პოლიციამ ორი პირი დააკავა.

სამართალდამცავებმა ნივთმტკიცების სახით ამოიღეს დანაშაულებრივი გზით მოპოვებული თანხის ნაწილი და ამავე გზით მიღებული თანხით შეძენილი ავტოსატრანსპორტო საშუალება. ერთ-ერთი ბრალდებულის საცხოვრებელი სახლის ჩხრეკისას ამოღებულია შპრიცები და თეთრი ფერის ფხვნილი, რომელიც სავარაუდოდ წარმოადგენს ნარკოტიკულ ნივთიერებას.

საგამოძიებო სამსახურის თანამშრომლების მიერ გრძელდება შესაბამისი ღონისძიებები აღნიშნულ დანაშაულში შემჩნეული სხვა პირების დადგენა-მხილების მიზნით.

გამოძიება მიმდინარეობს საქართველოს სისხლის სამართლის კოდექსის 180-ე მუხლის მე-2 და მე-3 ნაწილებით, რაც სასჯელის სახით ითვალისწინებს.

თავისუფლების აღკვეთას 6-დან 9 წლამდე ვადით.